საქართველოს ეროვნულმა ბანკმა ვირტუალური აქტივების მომსახურების 13 პროვაიდერი ფულის გათეთრებისა და ტერორიზმის დაფინანსების აღკვეთის შესახებ კანონისა და "ანგარიშვალდებული პირის მიერ გარიგების თაობაზე ინფორმაციის აღრიცხვის, შენახვისა და საქართველოს ფინანსური მონიტორინგის სამსახურისთვის წარდგენის წესის" დადგენილი მოთხოვნების დარღვევისთვის დააჯარიმა.

დაჯარიმებულ კომპანიებს შორისაა ოცნების ყოფილი დეპუტატის, ირაკლი სესიაშვილის ვირტუალური აქტივის მომსახურების პროვაიდერის შპს "უნოტრონი" და ბიზნესმენი ძმები პაპაშვილების თანასაკუთრებაში არსებული "ვაითბით ჯორჯია".

შპს "უნოტრონი" 9000 ლარით დაჯარიმდა, "ვაითბით ჯორჯია" — 3 000 ლარით.

დანარჩენი 11 ვირტუალური აქტივების მომსახურების პროვაიდერია:

შპს "ფეიბით ჯორჯია" დაჯარიმდა 3 000 (სამი ათასი) ლარით;

შპს "სტელექსი" დაჯარიმდა 6 000 (ექვსი ათასი) ლარით;

შპს "მატიო" დაჯარიმდა 6 000 (ექვსი ათასი) ლარით;

შპს "კრიპტოტექ სოლუშენ" დაჯარიმდა 6 000 (ექვსი ათასი) ლარით;

შპს "კრიპტო ჩენჯ ბათუმი"დაჯარიმდა 9 000 (ცხრა ათასი) ლარით;

შპს "დიჯიტალ მარკეტს სოლუშენს" დაჯარიმდა 9 000 (ცხრა ათასი) ლარით;

შპს “დიჯითალ პლათფორმ" დაჯარიმდა 3 000 (სამი ათასი) ლარით;

შპს შპს "ბიტარ",დაჯარიმდა 3 000 (სამი ათასი) ლარით;

შპს "ბიტანიკა" დაჯარიმდა 3 000 (სამი ათასი) ლარით;

შპს "ბეთქეივ" დაჯარიმდა 3 000 (სამი ათასი) ლარით;

შპს "სპორტ ექსჩეინჯი" დაჯარიმდა 9 000 (ცხრა ათასი) ლარით.

სებ-ი წერს, რომ პროვაიდერების მხრიდან დაირღვა "ფულის გათეთრებისა და ტერორიზმის დაფინანსების აღკვეთის ხელშეწყობის შესახებ" საქართველოს კანონის 35-ე მუხლის პირველი პუნქტის "ა" ქვეპუნქტით, აგრეთვე საქართველოს ფინანსური მონიტორინგის სამსახურის უფროსის 2020 წლის 5 ივნისის №1 ბრძანებით დამტკიცებული "ანგარიშვალდებული პირის მიერ გარიგების თაობაზე ინფორმაციის აღრიცხვის, შენახვისა და საქართველოს ფინანსური მონიტორინგის სამსახურისთვის წარდგენის წესის" დადგენილი მოთხოვნები.