NATO-ს სამიტზე უნგრეთის პრემიერმინისტრმა, პეტერ მადიარმა განაცხადა, რომ უკრაინას აქვს საკუთარი ტერიტორიული მთლიანობის დაცვის უფლება. მან დაადასტურა ჰუმანიტარული დახმარების გაწევა, თუმცა გამორიცხა იარაღისა და ჯარის მიწოდება. ამის შესახებ უკრაინული მედია წერს.

"უკრაინა რუსეთის აგრესიის მსხვერპლია და მას აქვს საკუთარი ტერიტორიული მთლიანობის დაცვის უფლება" — განაცხადა უნგრეთის პრემიერმინისტრმა პეტერ მადიარმა თურქეთის დედაქალაქ ანკარაში, NATO-ს სამიტის მსვლელობისას.

მან ასევე ხაზგასმით აღნიშნა, რომ ბუდაპეშტი კვლავაც გააგრძელებს უკრაინისთვის ჰუმანიტარული დახმარების გაწევას, თუმცა სამხედრო მხარდაჭერის გარეშე.

"უკრაინაში არც ჩვენს იარაღს გავაგზავნით და არც სამხედრო კონტინგენტს", — განაცხადა მაგიარმა.

უნგრეთის პრემიერმინისტრმა დასძინა, რომ ვოლოდიმირ ზელენსკის ესაუბრა და ახლო მომავალში შეხვედრაზე შეთანხმდნენ.

შეგახსენებთ, ხანგრძლივი ბლოკადის შემდეგ, უნგრეთი დათანხმდა უკრაინის ევროკავშირში გაწევრიანების შესახებ მოლაპარაკებების ერთ-ერთი თავის გახსნის პროცედურის დაწყებას.