ნანუკა ჟორჟოლიანი: თავმჯდომარეობას აქვს სხვა ბევრი ისეთი ტვირთი, რომელიც მე არ შემიძლია, არ მაქვს ამის კომპეტენცია, მე რაც შემიძლია, იმას ავიღებ და იდეალურად გავაკეთებ

6 Jul. 2026, 10:30

"არ ვყოყმანობ, მე მინდა, რომ სწორი კომპეტენციით დალაგდეს სქემა. მე ვიცი, რა შემიძლია და რაც არ შემიძლია, არ შევალ იქ, მე არ ვარ ყაველაშვილი. თავმჯდომარეობას აქვს სხვა ბევრი ისეთი ტვირთი, რომელიც მე არ შემიძლია, არ მაქვს ამის კომპეტენცია, ამიტომ ის ტვირთი მინდა გაინაწილოს კომპეტენტურმა, მცოდნე ადამიანმა და მე რაც შემიძლია, იმას ავიღებ და იდეალურად გავაკეთებ.

ერთია ხალხის სიყვარული, მაგრამ ის არ კონვერტირდება პოლიტიკაში. მაგრამ აქ საუბარი არ არის, რომ პოლიტიკური ლიდერი უნდა ვიყო. პოლიტიკური ლიდერი არის მიშა, მე უნდა ვიყო სწორი შუამავალი ხალხსა და მიშას შორის. მე მგონია, რომ ამ ხალხის პოლიტიკური ლიდერი უნდა იყოს მიშა, პრემიერობის კანდიდატი უნდა იყოს მიშა, ამ რეფორმების ხელმძღვანელი უნდა იყოს მიშა. უნდა დავანებოთ თავი ამ მლიქვნელობასა და აფერისტობას, რომ მოვიგონოთ ვიღაც, მერე ის ვაქციოთ პოლიტიკურ ლიდერად.

ჩვენთვის საკითხი დგას ასე — ბიძინა თუ მიშა. ბიძინა არის მთავარი მოთამაშე. ჩვენ სხვა „ტიპებს“ მთავარ მოთამაშეებად არ ვთვლით, ვთვლით ბიძინას და აქეთ მიშას. ჩვენთვის ეს ორი ძლიერი მოთამაშეა. თუ ვსაუბრობთ პოლიტიკურ ფიგურაზე, დამისახელეთ მიშასა და ბიძინას დონის მოთამაშეები, არ არსებობს. ბიძინა მე არ მომწონს, მაგრამ ბიძინა არის მთავარი მოთამაშე, არც კობახიძე, არც ღარიბაშვილი, არც ლილუაშვილი და არავინ".

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

500,000-მდე მონაწილე და 250,000-ლარიანი საპრიზო ფონდი — თიბისის მობაილბანკში საგანძურის მარათონი დასრულდა