25 ივნისს, უზენაეს სასამართლოსთან გამართულ ხუთშაბათის ტრადიციულ შეკრებაზე თავისუფლების მოედანმა პარტიის 10 ახალი წევრი საზოგადოებას წარუდგინა.

ღონისძიებაზე პარტიის თავმჯდომარემ ლევან ცუცქირიძემ განაცხადა, რომ მიმდინარე ავტორიტარული მმართველობის პირობებში განსაკუთრებული მნიშვნელობა აქვს მოქალაქეების პოლიტიკაში აქტიურ დაბრუნებას და პასუხისმგებლობის აღებას ქვეყნის მომავლისთვის.

"დღეს წარვადგინეთ პარტიის ახალი წევრები, უფრო დიდი კოჰორტიდან, რომელიც პარტიას ბოლო დროს შემოუერთდა, რაც ორ რამეს გვიჩვენებს: პირველი — საქართველოში ჯერ კიდევ ბევრი გაბედული მოქალაქეა, რომელიც მზადაა დაბრკოლებების მიუხედავად ღირსეული ბრძოლისთვის და მეორე — თავისუფლების მოედანი სწორ გზაზე დგას და ამ გზაზე სვლა უნდა გააგრძელოს," — განაცხადა ლევან ცუცქირიძემ.

მისი თქმით, საქართველოში დემოკრატიული ცვლილებები შეუძლებელია მოქალაქეების უშუალო პოლიტიკური მონაწილეობის გარეშე. სწორედ ამიტომ, თავისუფლების მოედანი მიზნად ისახავს დაამსხვრიოს სტერეოტიპი, თითქოს პოლიტიკა ბინძური საქმეა, ხოლო მოქალაქეების ადგილი პოლიტიკაში არ არის.

ღონისძიებაზე საზოგადოებას სიტყვით ახალმა წევრებმაც მიმართეს: "თავისუფლების მოედანი არის ის პოლიტიკური ძალა, რომელსაც შეუძლია კეთილსინდისიერად და პროფესიონალურად მართოს ქვეყანა", — განაცხადა გიორგი მაჩაიძემ.

პარტიის ინფორმაციით, თავისუფლების მოედნის ეროვნული საბჭოს სხდომაზე პარტიაში 21 ახალი წევრის მიღება დამტკიცდა. დღევანდელ ღონისძიებაზე საზოგადოებას მათი პირველი ნაწილი წარუდგინეს, დანარჩენი მათგანის ოფიციალური წარდგენა სამეგრელოში მიმდინარე ეროვნული რეგიონული კამპანიის დასრულების შემდეგ გაიმართება.

პარტიამ 25 ივნისსს 10 ახალი წევრი წარდაგინა. ესენი არიან:

● სოფიო კილასონია
● ესმა გუმბერიძე
● ირინე აბულაშვილი-ნიკოლსკი
● ნინო სამხარაძე
● დავით გოგუა
● გიორგი მაჩაიძე
● გიორგი კვირტია
● თეონა ბებურიშვილი

თავისუფლების მოედნის განცხადებით, პარტიის გაფართოება მხოლოდ ორგანიზაციული პროცესი არ არის ის წარმოადგენს რწმენას, რომ ქვეყნის დემოკრატიული და ევროპული მომავალი მოქალაქეების აქტიურ პოლიტიკურ მონაწილეობაზე დგას.