ჩეჩნური წარმოშობის კრიმინალურ ავტორიტეტი არტურ დენისულთანოვი, რომელიც ცნობილია მეტსახელით "დინგო" და რომელიც საზღვარგარეთ კადიროვის კრიტიკოსების მკვლელობებსა და მათზე თავდასხმებში იყო ეჭვმიტანილი, უკრაინის საომარ ზონაში დაიღუპა. ინფორმაციას Kavkaski uzel ავრცელებს.

გამოცემა "მედიაზონამ", სამოქალაქო რეესტრის გაჟონილ მონაცემებზე დაყრდნობით, 8 ივნისს გაავრცელა ინფორმაცია, რომ არტურ დენისულთანოვი საბრძოლო მოქმედებების დროს დაიღუპა.

მისი სახელი განსაკუთრებით გახდა ცნობილი 2017 წელს, როდესაც უკრაინაში დააკავეს ადამ ოსმაევის თავდასხმის საქმეზე. უკრაინული გამოძიების ვერსიით, დენისულთანოვმა ჟურნალისტის ყალბი იდენტობით მოიპოვა კონტაქტი ოსმაევთან და შემდეგ ცეცხლი გახსნა. შეტაკების დროს ოსმაევის მეუღლემ საპასუხო სროლით დაჭრა თავდამსხმელი.

სხვადასხვა დროს დენისულთანოვს ასევე უკავშირებდნენუმარ ისრაილოვის მკვლელობის საქმეს ავსტრიაში, თუმცა ამ საქმეზე მისი ბრალეულობა სასამართლოს მიერ არ დამტკიცებულა.

დენისულთანოვს მოსკოვის სასამართლომ 2023 წლის თებერვალში 37 მილიონი რუბლის თაღლითობისთვის 6 წლით თავისუფლების აღკვეთა მიუსაჯა. სასამართლოში ის ამტკიცებდა, რომ სასჯელის შემსუბუქებას იმსახურებდა, რადგან აღმოსავლეთ უკრაინაში იბრძოდა.

გამოცემის თანახმად, დენისულთანოვი ფრონტზე სასჯელაღსრულების კოლონიიდან მას შემდეგ გაგზავნეს, რაც 2023 წლის თებერვალში მოსკოვის სასამართლომ განაჩენი გამოუტანა. მისი გარდაცვალება ჩეჩნეთში, ქურჩალოის რაიონის სამოქალაქო რეესტრის სამსახურმა 2024 წლის დეკემბერში დაარეგისტრირა.

დენისულთანოვი დონეცკის ოლქის ქალაქ სელიდოვოსთან ახლოს მოკლეს. მისი გარდაცვალების ოფიციალურ თარიღად 2024 წლის 2 ნოემბერია მითითებული. უკრაინული პროექტის, "მინდა ვიპოვოს" მიხედვით, რომელიც რუსებს საომარ ზონაში დაკარგული ნათესავების ძებნაში ეხმარება, დენისულთანოვი ორი თვის წინ, 2024 წლის 2 სექტემბერს დაიღუპა.