კონგოს ხელისუფლების განცხადებით, ქვეყნის აღმოსავლეთში მიმდინარე "აფეთქების" შედეგად, ებოლათი ინფიცირების სავარაუდო შემთხვევათა რაოდენობამ 900-ს გადააჭარბა. ინფორმაციას The Guardian ავრცელებს.

კონგოს კომუნიკაციების სამინისტრომ კვირას პლატფორმა X-ზე გამოქვეყნებულ პოსტში აღნიშნა, რომ დაფიქსირებულია 904 სავარაუდო შემთხვევა და 119 სავარაუდო გარდაცვალება.

მანამდე ხელისუფლება იტყობინებოდა 700-ზე მეტი სავარაუდო შემთხვევისა და 170-ზე მეტი სავარაუდო გარდაცვალების შესახებ, ძირითადად იტურის პროვინციაში, რომელიც დაავადების "აფეთქების" ეპიცენტრია.

ჯანდაცვის მსოფლიო ორგანიზაციის განცხადებით, ეს "აფეთქება" ახლა "ძალიან მაღალ" რისკს წარმოადგენს კონგოს დემოკრატიული რესპუბლიკისთვის, თუმცა დაავადების გლობალურად გავრცელების რისკი კვლავ დაბალია.

The Guardian წერს, რომ ქვეყნის ჯანდაცვის უწყებები დაავადების შეჩერების მცდელობისას სერიოზული გამოწვევების წინაშე დგანან.

ქვეყნის აღმოსავლეთში თავს დაესხნენ და ცეცხლი წაუკიდეს ებოლას სამკურნალო ცენტრებს — გასულ კვირას ორ ქალაქში ორი ცენტრი დაზიანდა.