Bybit Georgia-მ და თიბისი ბანკმა სტრატეგიული პარტნიორობა დაიწყეს, რომლის ფარგლებშიც თიბისის მომხმარებლებს უკვე შეუძლიათ კრიპტოაქტივების ყიდვა და გაყიდვა პირდაპირ თიბისის მობაილბანკიდან დამატებითი რეგისტრაციისა და რთული პროცესების გარეშე.

ეს არის რეგიონში პირველი მსგავსი ინტეგრაცია გლობალურ კრიპტო პლატფორმასა და წამყვან ბანკს შორის, რომელიც მომხმარებლებს კრიპტოაქტივებზე წვდომას მათთვის უკვე ნაცნობ საბანკო გარემოში სთავაზობს.

პარტნიორობის ფარგლებში მომხმარებლებს შეუძლიათ დაახლოებით 30-მდე ყველაზე პოპულარული კრიპტოაქტივით ვაჭრობა, ხოლო ინვესტირების დაწყება შესაძლებელია მხოლოდ 1 დოლარიდან.

ტექნიკურ და საოპერაციო ნაწილში Bybit უზრუნველყოფს კრიპტოინფრასტრუქტურას, ბაზარზე საჭირო ლიკვიდობასა და ტრანზაქციების შესრულების სისტემას, რაც მომხმარებლებს საშუალებას აძლევს თიბისის ეკოსისტემის ფარგლებში უსაფრთხოდ და მარტივად შეიძინონ ან გაყიდონ ციფრული აქტივები.

“თიბისისთან პარტნიორობა ჩვენთვის მნიშვნელოვანი ნაბიჯია, რადგან ეს თანამშრომლობა აერთიანებს ფინანსურ ტექნოლოგიებსა და ციფრულ ინოვაციებს. გვჯერა, რომ მსგავსი კოლაბორაციები ხელს უწყობს კრიპტოინდუსტრიის განვითარებას საქართველოში და მომხმარებლებისთვის უფრო სანდო და ხელმისაწვდომ ეკოსისტემის შექმნას“, — აცხადებს Bybit-ის მარკეტინგის მიმართულების ხელმძღვანელი ანი დავლაშელიძე.

პროექტის მიზანია, ტრადიციულ საბანკო სერვისებში ციფრული აქტივების ინტეგრაცია, რათა კრიპტოაქტივებზე წვდომა ფართო აუდიტორიისთვის ხელმისაწვდომი გახდეს.

თანამშრომლობა მნიშვნელოვანი ეტაპია, როგორც Bybit Georgia-ს რეგულირებული მიმართულების განვითარებისთვის, ისე საქართველოს ფინანსური ტექნოლოგიებისა და ციფრული აქტივების ეკოსისტემის გაძლიერებისთვის. პროექტი კიდევ ერთხელ უსვამს ხაზს საქართველოს, როგორც ტექნოლოგიური და ფინანსური ჰაბის, მზარდ როლს რეგიონში.

პარტნიორობა აერთიანებს Bybit-ის გლობალურ ტექნოლოგიურ გამოცდილებასა და თიბისის ძლიერ ციფრულ საბანკო ეკოსისტემას, განსაკუთრებული აქცენტიღ უსაფრთხოებაზე, მომხმარებლის გამოცდილებასა და რეგულაციებთან შესაბამისობაზე.

Bybit მსოფლიოს ერთ-ერთი უდიდესი კრიპტო პლატფორმაა სავაჭრო მოცულობით, ხოლო Bybit Georgia საქართველოში სრულად ლიცენზირებული და ერთ-ერთი წამყვანი მოთამაშეა ბაზარზე. კომპანია აქტიურად ავითარებს რეგულირებულ ინოვაციებს და მიზნად ისახავს კრიპტო სერვისების ფართო გავრცელებას უსაფრთხო და სანდო გარემოში.

პარტნიორობის ფარგლებში კომპანიები მომავალშიც გეგმავენ, დამატებითი პროდუქტებისა და სერვისების განვითარებას, რაც მომხმარებლებისთვის თანამედროვე ფინანსურ სერვისებზე წვდომას კიდევ უფრო გაამარტივებს.