დიდი ბრიტანეთის მიერ სანქცირებულმა ტელეკომპანია იმედმა 2026 წლის I კვარტალში "მეამას", "ავენიუ ბაი ორბის" და "ანაგის" რეკლამებიდან ნახევარ-ნახევარ მილიონ ლარზე მეტი მიიღო.

"შპს "მეამას" (405139425) 85%-იანი წილის მფლობელი ბიზნესმენი სულიკო ვარსემაშვილია. ამ კომპანიის 10%-იან წილს — თამაზ ხარაიძე, 5%-ს კი გიორგი ჭელიძე ფლობს.

"ანაგის" (245416401) 100%-იანი წილის მფლობელი ნანა აროშიძეა, ხოლო წილის მმართველი — ზაზა გოგოტიშვილი. კომპანიის დირექტორმა ირაკლი გოგოლიშვილმა ქართულ ოცნებას 2023-2025 წლებში 180 000 ლარი შესწირა.

"ავენიუ ბაი ორბის" (445488749) მფლობელი ზაზა ზოიძის საკუთრებაში არსებული "ორბი ჯგუფი ბათუმია", — წერს "მედიაჩეკერი".

კომუნიკაციების კომისიის ინფორმაციით, 2026 წლის I კვარტალში ტელევიზიების კომერციული სარეკლამო შემოსავლებიდან მიღებული თანხა წინა წელთან შედარებით 72.7%-ით გაიზარდა და 25.6 მილიონ ლარს გაუტოლდა. მხოლოდ ტელევიზიების შემთხვევაში, კომერციული სარეკლამო შემოსავლებიდან მიღებული თანხა 72.7%-ით გაიზარდა და 25.6 მილიონ ლარს გაუტოლდა.

ტელემაუწყებლებისთვის 2026 წლის I კვარტალში მიღებული სარეკლამო შემოსავლების ძირითადი, 87.4%-იანი წილი პირდაპირმა რეკლამამ, 7.6% - პროდუქტის განთავსებამ, ხოლო 4.9% - სპონსორობამ დააგენერირა. შემოსავლის 0.03% და 0.01% კი განცხადებებისა და ტელეშოპინგიდან იყო მიღებული.

analytics.comcom.ge-ზე განთავსებული ინფორმაციაზე დაყრდნობით, 2026 წლის I კვარტალში კომერციული რეკლამებიდან ყველაზე დიდი შემოსავალი სამთავრობო ტელეკომპანია იმედმა მიიღო.

ფოტო: analytics.comcom.ge

სარეკლამო შემოსავლების მიხედვით ტელეკომპანიების პირველი ხუთეული ასე გამოიყურება:

1. იმედი — ₾9,8 მლნ;

2. რუსთავი 2 — ₾7,2 მლნ;

3. პოსტვ — ₾1,9 მლნ;

4. ტვ პირველი — ₾975 ათასი;

5. ფორმულა — ₾936 ათასი;

შეგახსენებთ, 24 თებერვალს დიდმა ბრიტანეთმა, რუსეთის სანქციების რეგულაციების ფარგლებში, სამთავრობო პროპაგანდისტული "იმედი" და "პოსტვ" დაასანქცირა.

25 თებერვალს, მთავრობის მეთაურმა, ირაკლი კობახიძემ ჟურნალისტებთან განაცახდა, რომ ყველა ბიზნესკომპანიამ უნდა გააგრძელოს ორივე ტელეკომპანიასთან თანამშრომლობა".