საქართველოში რუსეთის ინტერესების სექციის ხელმძღვანელმა, დმიტრი ოლისოვმა, მილოცვის წერილი გაუგზავნა ახლად არჩეულ სრულიად საქართველოს კათოლიკოს-პატრიარქს, მცხეთისა და თბილისის მთავარეპისკოპოსს და ბიჭვინთისა და ცხუმ-აფხაზეთის მიტროპოლიტს შიო III-ს.

მისალოც წერილში ოლისოვი იმედს გამოთქვამს, რომ შიო III-ის მსახურება მისი წინამორბედის მსგავსად "შეუწყობს ხელს რუსეთისა და საქართველოს დაძმობილებულ ეკლესიებს შორის ტრადიციული ნდობაზე დაფუძნებული კავშირების განმტკიცებას".

"ცნობილმა 1700 წლის იბერიის ეკლესიამ, ყოვლადწმინდა ღვთისმშობლის დანამატმა, იპოვა ახალი წინამძღვარი და ღირსეული მემკვიდრე მარად ხსოვნისადმი უწმინდესისა და უნეტარესის ილია II-ის მოღვაწეობისა.

რუსეთმა დიდი ენთუზიაზმით მიიღო ასეთი გამოცდილი ეპისკოპოსის არჩევის ამბავი, რომელიც ცნობილია მამობრივი სიბრძნითა და საყოველთაო მართლმადიდებლობის კანონიკური საფუძვლებისადმი უკომპრომისო ერთგულებით. იმედი მაქვს, რომ თქვენი მომავალი საპატრიარქო მსახურება ისევე შეუწყობს ხელს რუსეთისა და საქართველოს დაძმობილებულ ეკლესიებს შორის ტრადიციული ნდობაზე დაფუძნებული კავშირების განმტკიცებას", — წერია გავრცელებულ წერილში.

საპატრიარქო ტახტის მოსაყდრე შიო III საქართველოს მართლმადიდებელი ეკლესიის გაფართოებულმა კრებამ 142-ე კათოლიკოს-პატრიარქად 11 მაისს აირჩია. 12 მაისს კი ის სვეტიცხოვლის საკათედრო ტაძარში პატრიარქად აკურთხეს.