ერთი, ორი და… მესამე ტეილორ ლოტნერი?

ტეილორ ლოტნერი და მისი მეუღლე, ასევე ტეილორი, პირველ შვილს ელოდებიან.

"რა სჯობს ორ ტეილორ ლოტნერს?" — იხუმრა წყვილმა ინსტაგრამზე გამოქვეყნებულ პოსტში, რომლითაც ყველას გაუმხილა, რომ მალე პატარა ლოტნერი დაიბადება.

პირველ ფოტოზე აღბეჭდილია ტეილორი, რომელიც მეუღლის მუცელს კოცნის, მაშინ, როცა მეორე ტეილორს ექოსკოპიის ფოტოები უჭირავს ხელში.

ტეილორ ლოტნერი და მისი სეხნია, მეტსახელად ტეი, ურთიერთობის დაწყებიდან 4 წლის შემდეგ, 2022 წელს დაქორწინდნენ.

საინტერესო დამთხვევაა, რომ ტეილორ ლოტნერი 2009 წელს სხვა ტეილორთანაც იყო ურთიერთობაში. ეს, არც მეტი და არც ნაკლები, ტეილორ სვიფტი იყო. 2023 წელს ტეილორებმა სპაიდერმენის ცნობილი მიმიც გააცოცხლეს:

ტეილორ ლოტნერი და ტეილორ სვიფტი

ტეილორ ლოტნერი და ტეილორ სვიფტი

ფოტო: Mark Davis/PictureGroup

ლოტნერების პოსტს ინტერნეტში არაერთი ხუმრობა მოჰყვა. ტეილორების გულშემატკივართა ნაწილი იმედოვნებს, რომ ისინი შვილსაც ტეილორს არ დაარქმევენ, მეორე ნაწილი კი პირიქით, ფიქრობს, რომ წყვილი სწორედ ასე უნდა მოიქცეს:

ასევე იხილეთ: