Reuters-ის ცნობით, დანიის პრემიერმინისტრმა მეტე ფრედერიკსენმა თანამდებობა დატოვა. მან დანიის მეფეს მთავრობის გადადგომის შესახებ განცხადება ოთხშაბათს, მას შემდეგ წარუდგინა, რაც მისმა სამპარტიულმა კოალიციამ საყოველთაო არჩევნებში დიდი მარცხი განიცადა.

საპარლამენტო არჩევნების შემდეგ, პრემიერმინისტრის გადადგომა სტანდარტული პროცედურაა. ამით ახალი მთავრობის ფორმირების პროცესი იწყება. საპარლამენტო არჩევნების შემდეგ, პოლიტიკური პარტიების წარმომადგენლები ტრადიციულად მონარქს ურჩევენ, თუ ვისი დანიშვნა სჯობს პრემიერმინისტრად.

24 მარტს დანიაში საპარლამენტო არჩევნები ჩატარდა, რომელშიც მეტე ფრედერიკსენის სოციალ-დემოკრატიულმა პარტიამ გაიმარჯვა, მაგრამ პარლამენტში ადგილების უმრავლესობა ვერ მოიპოვა. ცენტრისტულმა მემარცხენე ბლოკმა, რომელიც სოციალ-დემოკრატებსაც მოიცავს, პარლამენტში საჭირო 90 ადგილიდან 84 ადგილი მიიღო. თავად პრემიერმინისტრის პარტიამ მხოლოდ 38 მანდატი მოიპოვა.