ბრიტანეთის პარლამენტის ლორდთა პალატის წევრმა, ბარენოესა მარგარეტ პატრიცია კურანმა ლორდთა პალატის წევრ ბარონესა ჯენი ჩაპმანს კითხვით მიმართა — აპირებენ თუ არა შემდგომი ზომების მიღებას იმ ქართველი მაღალჩინოსნების წინააღმდეგ, რომლებიც ბრიტანეთის მხრიდან დასანქცირებულ სამთავრობო, პროპაგანდისტული მედიებთან, "იმედთან" და "პოსტვ"-ისთან თანამშრომლობას აგრძელებენ.

"აპირებენ თუ არა შემდგომი ზომების მიღებას იმ ქართველი მაღალჩინოსნების წინააღმდეგ, რომლებიც აგრძელებენ თანამშრომლობას ახლახან სანქცირებულ ქართულ ტელეარხებთან — "იმედთან" და "პოსტ TV"-სთან?", — აღნიშნულია კითხვაში.

ლორდთა პალატის წევრმა, ბარონესა ჯენი ჩაპმანმა კითხვას 9 მარტს უპასუხა და აღნიშნა, რომ გაერთიანებული სამეფო მკაცრ პოზიციას იკავებს იმ ქართული სუბიექტების მიმართ, რომლებიც რუსეთთან აფილირებულ დეზინფორმაციას ავრცელებენ და განმარტა, რომ მათი მრავალწლიანი პოლიტიკის მიხედვით, მომავალ სანქციების პოტენციურ სამიზნეებზე კომენტარს არ გააკეთებს.

"გაერთიანებული სამეფო მკაცრ პოზიციას იკავებს მათ მიმართ, ვინც ხელს უწყობს უკრაინის დესტაბილიზაციას, მათ შორის იმ ქართული სუბიექტების მიმართ, რომლებიც რუსეთთან აფილირებულ დეზინფორმაციას ავრცელებენ. ჩვენი მრავალწლიანი პოლიტიკაა, არ გავაკეთოთ კომენტარი მომავალი სანქციების პოტენციურ სამიზნეებზე, რადგან ამან შესაძლოა შეამციროს მათი ეფექტურობა", — წერია ლორდთა პალატის წევრის პასუხში.

შეგახსენებთ, დიდმა ბრიტანეთმა სამთავრობო პროპაგანდისტული ტელევიზიები "იმედი" და "პოსტვ" 24 თებერვალს დაასანქცირა.

მეტი "იმედისა" და "პოსტვ"-ის დასანქცირებაზე: