Gossip Girl-ის ავტორი სესილი ფონ ზიგესარი ჭორიკანას ისტორიას აგრძელებს და ახალ წიგნს მთლიანად ბლერ უოლდორფზე წერს. წიგნში სიუჟეტი 20 წლის შემდეგ ვითარდება, რაც ნიშნავს, რომ მთავარი პერსონაჟი დაახლოებით 40 წლის იქნება.

ფოტო: Wireimage

ახალი პროექტის შესახებ დამატებითი დეტალები ჯერჯერობით უცნობია, თუმცა ვიცით, რომ ბლერი ნიუ-იორკში ბრუნდება, რათა ძველი დიდება და გავლენა დაიბრუნოს.

ბლერი ბოლოს Gossip Girl-ის 2009 წლის წიგნ I Will Always Love You-ში ვიხილეთ, როცა ნეითთან ტოქსიკური ურთიერთობა დაასრულა, სერენასთან დაკავშირებული ძველი დრამები დაივიწყა და გადაწყვიტა, რომ კოლეჯში ყველაფერი ახლიდან დაეწყო.

არ ვიცით, წიგნში ბლერთან ერთად თავად Gossip Girl-საც ვიხილავთ თუ არა. მიუხედავად იმისა, რომ სერიალის ფინალში ჭორიკანას ვინაობა გავიგეთ, წიგნში ის ჯერ კიდევ ანონიმურად რჩება.

ფოტო: Everett Collection

წიგნის წერა ჯერჯერობით არ დასრულებულა, თუმცა მისი გამოსვლა 2027 წლის ზაფხულისთვის იგეგმება. ამჟამად უცნობია, ვიხილავთ თუ არა ამ წიგნს ფილმისა თუ სერიალის სახით, თუმცა, საინტერესოა, ეკრანიზაციის შემთხვევაში, ვინ ითამაშებს მთავარი პერსონაჟის როლს. ნეტავ, თუ დაბრუნდება ლეიტონ მისტერი?

ფოტო: Savion Washington/GA/Getty Images

Gossip Girl-ის პირველი წიგნი 2002 წელს გამოვიდა, მასზე დაფუძნებული საკულტო სერიალი კი — 2007 წელს დაიწყო. მას შემდეგ ავტორმა ამ ისტორიას 12 წიგნი მიუძღვნა, ამასთან ერთად კი, ახალი ეკრანიზაციაც ვიხილეთ.

Gossip Girl (2007)

Gossip Girl (2007)

ფოტო: Everett Collection

Gossip Girl (2021)

Gossip Girl (2021)

ფოტო: HBO Max