ოცნების პარლამენტის თავმჯდომარემ შალვა პაპუაშვილმა საქართველოში აშშ-ის კონგრესის თანამშრომელთა დელეგაციის ვიზიტზე საუბრისას განაცხადა, რომ ეს პოლიტიკური ხასიათის შეხვედრები ნაკლებად იქნება, ვინაიდან კონგრესმენების მრჩევლები არიან ჩამოსული და, შესაბამისად, ამბავს ჩაიტანენ თავის კონგრესმენებთან. მისივე თქმით, "მათთვის საინტერესოა მოისმინონ პირველწყაროდან, თუ რა ხდება სინამდვილეში საქართველოში და არ მოისმინონ ლორა თორნტონებისგან და ეკა გიგაურებისგან, რომლებიც საქართველოს მიმართ მტრული რიტორიკით არიან გამორჩეულები".

"კონგრესმენები არ არიან, არიან კონგრესის ადმინისტრაციის თანამშრომლები, სხვადასხვა კონგრესმენების მრჩევლები, ეს არის ე.წ. სტაფერების ვიზიტი ანუ აპარატის თანამშრომლების ვიზიტი, მრჩევლების ვიზიტი. მათ აქვთ სხვადასხვა შეხვედრა, მათ შორის, პარლამენტშიც ექნებათ შეხვედრები. მათთვის საინტერესო საკითხებთან დაკავშირებით ყოველთვის მზად ვართ ვისაუბროთ. გასაგებია, რომ ეს პოლიტიკური ხასიათის შეხვედრები ნაკლებად იქნება, ვინაიდან მრჩევლები არიან, შესაბამისად, ამბავს ჩაიტანენ შემდეგ უკვე თავის კონგრესმენებთან, რომლის მრჩევლებიც არიან. ალბათ, მათთვის საინტერესოა მოისმინონ პირველწყაროდან, თუ რა ხდება სინამდვილეში საქართველოში და არ მოისმინონ ლორა თორნტონებისგან და ეკა გიგაურებისგან, რომლებიც საქართველოს მიმართ მტრული რიტორიკით არიან გამორჩეულები", — განაცხადა ოცნების პარლამენტის თავმჯდომარემ შალვა პაპუაშვილმა საქართველოში აშშ-ის კონგრესის თანამშრომელთა დელეგაციის ვიზიტზე.

საქართველოში, რეგიონული ვიზიტის ფარგლებში, აშშ-ის კონგრესის თანამშრომელთა დელეგაცია იმყოფება. ამის შესახებ ინფორმაციას საქართველოში აშშ-ს საელჩო ავრცელებს. მათი ცნობით, დელეგაციის წევრები შეხვდებიან საქართველოს ოფიციალურ პირებსა და ოპოზიციის ლიდერებს