ალეკო ელისაშვილის ქმედებამ დააზიანა პარტიის ინტერესებიც და, შესაძლოა, პროტესტის ინტერესებიც, — ამის შესახებ ლელო — ძლიერი საქართველოს გენერალურმა მდივანმა, ირაკლი კუპრაძემ ამავე კოალიციის წევრ ალეკო ელისაშვილზე საუბრისას დღევანდელი სასამართლო პროცესის შემდეგ თქვა. მისივე თქმით, აღნიშნულ საქმესთან კოალიციას "თანაზიარობა არ აქვს და მიაჩნიათ, რომ ეს არ იყო პროტესტის სწორი ფორმა"

"ალეკო ელისაშვილი არის პატრიოტი მოქალაქე, ეს კი სასამართლოში მისი გამოსვლითაც დადასტურდა, როცა მან პარტიას ბოდიში მოუხადა, რომელიც დარტყმის ქვეშ დააყენა.

ჩვენ გვაქვს ცალსახა პოზიცია — ჩვენ პროტესტის ამ ფორმას არ ვიზიარებთ. მაგრამ ივანიშვილის მართებს დაფიქრება იმასთან დაკავშირებით, რომ სასოწარკვეთილი მოქალაქე, რომელსაც წლების განმავლობაში ჩაგრავს და სიმართლისა და სამართლის პოვნის საშუალებას, არცერთ სახელმწიფო უწყებაში არ აძლევს, მისთვის უფრო საშიშია. სასოწარკვეთამდე მოქალაქეების მიყვანა მხოლოდ ივანიშვილის და საქართველოს ეროვნულ ინტერესებს დააზიანებს.

ამ ქმედებით, რომლის მიმართაც ჩვენ თანაზიარობა არ გვაქვს და მიგვაჩნია, რომ ეს არ იყო პროტესტის სწორი ფორმა, თავის მხრივ დააზიანა პარტიის ინტერესებიც და შესაძლოა, პროტესტის ინტერესებიც. ჩვენი გაცხადებული პოზიციაა, რომ პროტესტს უნდა ჰქონდეს პროტესტს მშვიდობიანი ხასიათი", — განაცხადა კუპრაძემ.

ცნობისათვის, დღეს გამართულ სასამართლო პროცესზე ელისაშვილმა განაცხადა, რომ რ ჰქონდა განზრახული, რომ "საერთო საქმე დაეზიანებინა".

"ირაკლი [კუპრაძეს] თუ ფიქრობთ, რომ საერთო საქმე დავაზიანე ბოდიშით, ეგ განზრახვა არ მქონია ნამდვილად", — თქვა საქალაქო სასამართლოს დაწვის მცდელობისთვის ტერორიზმის მუხლით დაკავებულმა ალეკო ელისაშვილმა.

მეტი ალეკო ელისაშვილის საქმეზე: