სამთავრობო პროპაგანდისტული ტელეკომპანია "იმედის" დაკვეთით, კომპანია GORBI-მ ქვეყნის მასშტაბით საზოგადოებრივი აზრის კვლევა ჩაატარა. კვლევის შედეგებს ტელეკომპანია "იმედი" აქვეყნებს.

შედეგების მიხედვით, კითხვაზე — "თბილისის მერის არჩევნები რომ ამ კვირას ტარდებოდეს, ვის მისცემდით ხმას შემდეგი კანდიდატებიდან?", პასუხები ასე გადანაწილდა:

კახა კალაძეს ხმა მისცა გამოკითხულთა 66,5%-მა;

ირაკლი კუპრაძეს — "ძლიერი საქართველოდან" — 13,5%-მა;

იაგო ხვიჩიას — "გირჩის" კანდიდატს კი 13%-მა

სხვა კანდიდატებს საერთო ჯამში გამოკითხულთა 7% უჭერს მხარს.

"იმედის" ცნობით, გამოკითხვა ჩატარდა პირისპირი ინტერვიუს მეთოდით, 6-25 სექტემბრის პერიოდში, თბილისში, ქუთაისში, ბათუმში, რუსთავში, ზუგდიდში, ხაშურსა და თელავში. გამოიკითხა ორი ათასი ადამიანი. ცდომილების ზღვარი ქვეყნის მასშტაბით +/- 3 პროცენტია.

კვლევის მიხედვით, კითხვაზე: "ადგილობრივი თვითმმართველობის არჩევნები ამ კვირას რომ ტარდებოდეს, ვის მისცემდით ხმას შემდეგი პარტიებიდან და კოალიციებიდან?" თბილისში შედეგები ასე გადანაწილდა:

ქართულ ოცნებას მხარს უჭერს გამოკითხული მოქალაქეების 59,1 %

ძლიერი საქართველო ლელოს – 13,7%-იანი მხარდაჭერა აქვს

გირჩს ნდობას უცხადებს – 12,6%

გახარია საქართველოსთვის – 9,6%

საქართველოს პატრიოტთა ალიანსმა მოიპოვა 2,8%-იანი მხარდაჭერა

სხვა პარტიებმა კი ჯამურად მიიღეს 2,2%.

გორბი

გორბი