სამოქალაქო აქტივისტ ალბი კორძაიას, რომელიც 2 სექტემბერს პოლიციის შეურაცხყოფის მუხლით დააკავეს, 12-დღიანი ადმინისტრაციული პატიმრობა შეუფარდა. ამის შესახებ ინფორმაციას აქტივისტი სოციალურ ქსელში თავად ავრცელებს.

ალბი კორძაია ადმინისტრაციული წესით რუსთაველის გამზირზე მიმდინარე აქციაზე დააკავეს. აქტივისტს ადმინისტრაციული პატიმრობა უკვე მესამედ შეეფარდა.

ვრცელდება ინფორმაცია იმის შესახებაც, რომ ალბი კორძაია ამჟამად საავადმყოფოშია."ჩემს პროცესზე არ მოხვიდეთ, საავადმყოფოში ვარ" — დაწერა სოციალურ ქსელში აქტივისტმა.

სხვა დეტალები ჯერჯერობით უცნობია.