ტრამპის ადმინისტრაცია და საერთაშორისო პარტნიორები განიხილავენ წინადადებებს ღაზას ნანგრევებზე "ახლო აღმოსავლეთის რივიერას(სანაპირო რეგიონი სუბტროპიკული კლიმატითა და მცენარეულობით.)" აშენების შესახებ. ერთ-ერთი წინადადება აშშ-ს კონტროლს დაამყარებდა და პალესტინელებს ტერიტორიის დატოვების სანაცვლოდ გადაუხდიდა. ამის შესახებ The Washington Post წერს.

The Washington Post-ის ინფორმაციით, ტრამპის ადმინისტრაციაში ღაზას სექტორთან დაკავშირებული ომისშემდგომი გეგმა (რომელიც პრეზიდენტ დონალდ ტრამპის ანკლავის "დაკავების" დაპირებაზეა დაფუძნებული) ღაზას მინიმუმ 10 წლის განმავლობაში შეერთებული შტატების მიერ ადმინისტრირებულ სამეურვეო უწყებად გადააქცევს, სანამ ღაზას სექტორი ბრწყინვალე ტურისტულ კურორტად და მაღალტექნოლოგიური წარმოებისა და ტექნოლოგიების ცენტრად გარდაიქმნება.