საქართველოს პარლამენტის წევრმა პატრიოტთა ალიანსიდან, ემზარ კვიციანს სურს, რომ არჩევნებში მონაწილეობა სავალდებულო გახდეს. თავის სურვილზე ემზარ კვიციანმა პარლამენტის სხდომაზე საქართველოს კონსტიტუციის პროექტის მესამე მოსმენით განხილვის დროს ისაუბრა.

"სავალდებულო არჩევნები - თუ არის ამის [შეცვლის] შესაძლებლობა ხალხი ძალიან ბედნიერი იქნება. ძალიან ბევრ ადამიანს, უმრავლესობას უნდა, რომ არჩევნები იყოს სავალდებულო. თუ ამ რედაქტირებით შეძლებთ ამის შეცვლას ძალიან კარგი იქნება", - აღნიშნა პარლამენტის დეპუტატმა.

საქართველოს პარლამენტი დღეს, 26 სექტემბერს საქართველოს კონსტიტუციის პროექტს მესამე მოსმენით განიხილავს. სხდომას ოპოზიციური პარტიებიდან მხოლოდ პატრიოტთა ალიანსი ესწრება.