ოდესმე გიფიქრიათ, როგორ შეიძლება სილამაზე, კეთილშობილება და სულიერი სიძლიერე ერთ ადამიანში ერთიანდებოდეს? ოდრი ჰეპბერნი სწორედ ასეთი იშვიათი ადამიანი იყო — ჰოლივუდის ოქროს ხანის სიმბოლო, ჰუმანიტარი და სტილის სიმბოლოდ ქცეული ქალი, რომლის სიტყვები დღესაც შთაგონების წყაროა. მისი ციტატები გვეხმარება არა მხოლოდ ელეგანტურობის განმარტებაში, არამედ გაგვახსენებს უბრალოებაშივე დაფარულ სიბრძნეს, სიკეთესა და შინაგან სილამაზეს.

წარმოგიდგენთ ოდრი ჰეპბერნის რჩეულ ციტატებს, რომლებიც მისი პიროვნების უკეთ შეცნობაში დაგვეხმარება:

ფოტო: Getty Images

ცხოვრება წვეულებაა. შესაბამისად ჩაიცვი.

მე მწამს ვარდისფრის. მწამს, რომ სიცილი საუკეთესო გზაა კალორიების დასაწვავად. მწამს კოცნის, ბევრი კოცნის. მწამს სიძლიერის, მაშინ, როცა ყველაფერი არასწორად მიდის. მწამს, რომ ბედნიერი გოგოები ყველაზე ლამაზი გოგოები არიან. მწამს, რომ ხვალინდელი დღე ახალი დღეა და მწამს სასწაულების.

ფოტო: Getty Images

ელეგანტურობა ერთადერთი სილამაზეა, რომელიც არასდროს ჭკნება.

ამბობენ, რომ სიყვარული საუკეთესო ინვესტიციაა — რაც უფრო მეტს გასცემ, უფრო მეტს იღებ უკან.

ფოტო: Getty Images

ლამაზი თვალებისათვის, ეძებეთ კარგი სხვაში. ლამაზი ტუჩებისათვის, მხოლოდ კეთილი სიტყვები წარმოთქვით. კარგი ტანისათვის, იმ ცოდნით იარეთ, რომ მარტო არასდროს ხართ.

ადრევე გადავწყვიტე, რომ ცხოვრება ისეთად მიმეღო, როგორიც არის. არასდროს ველოდი, რომ ის რამე განსაკუთრებულს მომიტანდა, თუმცა მაინც იმაზე მეტს მივაღწიე, ვიდრე ოდესმე ვიმედოვნებდი.

ფოტო: Getty Images

ნამდვილი მეგობრები ოჯახია, რომლებსაც თავად ვირჩევთ.

დაიმახსოვრეთ, თუ დახმარების ხელი გჭირდებათ, ეს ხელი თქვენივე უნდა იყოს. როცა ასაკში შეხვალთ, გაიხსენეთ, რომ მეორე ხელიც გაქვთ — ერთი ხელი საკუთარი თავის დასახმარებლადაა, მეორე კი სხვებისთვის გასაწვდენად.

ფოტო: Getty Images

გარეგნობაზე ბევრად მნიშვნელოვანი რაღაცებიც არსებობს. მახინჯ სულს ვერანაირი მაკიაჟი ვერ დაფარავს.

მჯერა, რომ ყოველდღე უნდა გქონდეს ერთი გამორჩეული მომენტი მაინც.

ქალის სილამაზე არც იმ ტანსაცმელშია, რომელიც აცვია, არც მის ფიგურაში და არც მის დავარცხნილ თმაში. ქალის სილამაზე მისი თვალებიდან მოჩანს, რადგან ეს მიდი გულის კარია, იმ ადგილის, სადაც სიყვარული ცხოვრობს. ქალის ჭეშმარიტ სილამაზეს მისი სული ირეკლავს.