შინაგან საქმეთა სამინისტროს განცხადებით, ფონიჭალაში 1979 წელს დაბადებული პირი ნარკოდანაშაულის ბრალდებით დააკავეს.

უწყების მტკიცებით, სამართალდამცველებმა, დაკავებულის პირადი და საცხოვრებელი სახლის ჩხრეკისას, 61 შეკვრად დაფასოებული ნარკოტიკული საშუალება ამოიღეს, რომელზეც დანიშნულია შესაბამისი ექსპერტიზა.

გამოძიების ვერსიით, ბრალდებული ნარკოტიკულ საშუალებას სისტემატურად ყიდდა. მათივე განცხადებით, პოლიციამ დაკავებულის მიერ გაყიდული 0,4636 გრამი ჰეროინი ნივთმტკიცებად ამოიღო.

გამოძიება ნარკოტიკული საშუალების უკანონო გასაღების ფაქტზე მიმდინარეობს (საქართველოს სსკ-ს 260-ე მუხლის მე-4 ნაწილით).