თბილისის მერმა, კახა კალაძემ "ვაიმარის სამკუთხედის" ლიდერების მხრიდან საქართველოს ხელისუფლების კრიტიკის საპასუხოდ, ოპოზიციას წინადადებით მიმართა.

"კარგ გამოსავალს გეტყვით, საერთოდ ემანუელ მაკრონი ჩამოიყვანეთ და თვითმმართველობის არჩევნებში თბილისის მერობის კანდიდატად კენჭი იყაროს. ასე არჩევნებში მონაწილეობის მიღებასაც გააპრავებთ", — აღნიშნა კახა კალაძემ.

შეგახსენებთ, რომ 26 მაისს საფრანგეთის პრეზიდენტმა ემანუელ მაკრონმა, პოლონეთის პრემიერმინისტრმა დონალდ ტუსკმა და გერმანიის კანცლერმა ფრიდრიხ მერცმა "ვაიმარის სამკუთხედის" სახელით საქართველოს დამოუკიდებლობის დღესთან დაკავშირებით ერთობლივ განცხადება გაავრცელეს, რომლითაც ქართველ ხალხს დამოუკიდებლობის დღე მიულოცეს და დაგმეს “საქართველოს ხელისუფლების ყველა ქმედებას, რომელიც იწვევს დემოკრატიულ უკუსვლას, და სამოქალაქო საზოგადოებაზე, მედიაზე და მთავრობის მიმართ კრიტიკულად განწყობილ ადამიანებზე თავდასხმებს”.