პრეზიდენტ დონალდ ტრამპის მიერ ცენტრის მმართველობაში განხორციელებული ცვლილებების გამო, ბროდვეის შოუ, ჰამილტონი, მომავალ გაზაფხულზე კენედის ცენტრს აღარ ეწვევა.

Hamilton-ის შემქმნელმა, ლინ-მანუელ მირანდამ და მთავარმა პროდიუსერმა, ჯეფრი სელერმა, განაცხადეს, რომ ეს გადაწყვეტილება ადმინისტრაციის მიერ დემოკრატი წევრების გათავისუფლების საპასუხოდ მიიღეს, რაც, მათი თქმით, არღვევს ინსტიტუტის არაპარტიულ სულისკვეთებას. სელერმა აღნიშნა, რომ მათი მოქმედება მიმართულია არა ადმინისტრაციის ზოგადი პოლიტიკის, არამედ მმართველი საბჭოს "გადატვირთვის" წინააღმდეგ.

"ტრამპის ეს ქმედება ნიშნავს, რომ კენედის ცენტრი აღარ არის ისეთი, როგორსაც ჩვენ ვიცნობდით. კენედის ცენტრი ამ სულისკვეთებით არ შექმნილა და ჩვენ არ ვაპირებთ მის ნაწილი ვიყოთ, სანამ ის ტრამპ კენედის ცენტრია. ჩვენ უბრალოდ არ ვიქნებით მისი ნაწილი!" — თქვა ჰამილტონის შემქმნელმა, ლინ-მანუელ მირანდამ.

კენედის ცენტრის ახლად დანიშნულმა დროებითმა აღმასრულებელმა დირექტორმა, რიჩარდ გრენელმა, ამ ნაბიჯს "სარეკლამო ხრიკი" უწოდა და Hamilton-ის შემქმნელს "პოლიტიკურ დისკრიმინაციაში" დასდო ბრალი. მისი თქმით, ხელოვნება ყველასთვისაა და არა მხოლოდ მათთვის, ვინც მირანდას მოსწონს და ეთანხმება. ცნობისთვის, კენედის ცენტრის საბჭოს არჩევამდე, ტრამპმა მათი პროგრამირების მრავალფეროვანი სპექტრი გააკრიტიკა.

"ჩვენ არ გვჭირდება "ვოუქიზმი" კენედის ცენტრში. ზოგიერთი შოუს ისეთია, მათი გამართვაც კი საშინელი სირცხვილია" — განაცხადა ტრამპმა.

Hamilton-ის პროდიუსერების გადაწყვეტილება ხაზს უსვამს მათ შეშფოთებას კენედის ცენტრის მმართველობაში პოლიტიკური ჩარევის გამო. ეს ფაქტი, მათი აზრით, არღვევს ცენტრის მისიას, იყოს ეროვნული კულტურული ცენტრი, რომელიც ხელოვნების თავისუფალ გამოხატვას უწყობს ხელს.