"ლილო მოლში" გაჩენილი ხანძარი ამ დროისათვის ლოკალიზებულია.

გავრცელებული ინფორმაციით, ცეცხლი ორსართულიანი შენობის მეორე სართულზე გაჩნდა. ადგილობრივების ცნობით, ერთ-ერთ ობიექტზე სარემონტო სამუშაოები მიმდინარეობდა — სავარაუდოდ, ხანძარი სწორედ ამ სამუშაოებს უკავშირდება.

სამაშველო სამსახურის ინფორმაციით, ხანძარი, დაახლოებით, 5000 კვ.მ ფართობის ტერიტორიაზე გავრცელდა. საბედნიეროდ, შემთხვევის შედეგად არავინ დაშავებულა.

ხანძრის ლოკალიზებაში 10-ზე მეტი სახანძრო ეკიპაჟი იღებდა მონაწილეობას.