უკრაინული მედია იტალიის საელჩოზე დაყრდნობით ინფორმაციას ავრცელებს, რომ იტალიის თავდაცვის მინისტრი, გვიდო კროზეტო ოფიციალური ვიზიტით უკრაინაში ჩავიდა.

როგორც საელჩო იუწყება, ვიზიტის ფარგლებში კროზეტო კიევში რამდენიმე შეხვედრა გამართავს.

ამასთან, კიევს დღეს გაერთიანებული სამეფოს პრემიერმინისტრი, კირ სტარმერიც ეწვია, რომელიც მოგვიანებით პრეზიდენტ ვოლოდიმირ ზელენსკის შეხვდება.

ცნობისთვის, უკრაინის თავდაცვის მინისტრი, რუსტემ უმეროვი 9 იანვარს გვიდო კროზეტოს შეხვდა. შეხვედრაზე მხარეებმა ისაუბრეს საჰაერო თავდაცვის სისტემებისთვის განკუთვნილ რაკეტებზე, რომელიც იტალიამ, შესაძლოა, უკრაინას მიაწოდოს.