ჯგუფი "დაიტოვე" 15 ნოემბერს თბილისში, მსვლელობას აანონსებს. ორგანიზატორების ინფორმაციით, მსვლელობა დაიწყება რესპუბლიკის მოედანზე, 17:00 საათზე.

მსვლელობის მონაწილეები 26 ოქტომბერს ჩატარებულ საპარლამენტო არჩევნების შედეგებს აპროტესტებენ და ამტკიცებენ, რომ არჩევნები გაყალბდა.

26 ოქტომბრის საპარლამენტო არჩევნების შემდეგ, დედაქალაქსა და საქართველოს სხვა ქალაქებში, საპროტესტო გამოსვლები ხშირად, თითქმის ყოველდღიურ რეჟიმში ტარდება — ხელახალი არჩევნების ჩატარების მოთხოვნით.