"ხმის მიცემის ფარულობა რომ ირღვეოდა, მე მაინტერესებს — დაიჭერენ თუ არა ცესკოს თავმჯდომარეს, გიორგი კალანდარიშვილს", — ამის შესახებ პარტია გახარია საქართველოსთვის ლიდერმა, ნათია მეზვრიშვილმა ბრიფინგზე განაცხადა.

მისი თქმით, ცესკოს თავმჯდომარე, გიორგი კალანდარიშვილი თვითონაა დასაჭერი.

"ცესკოს თავმჯდომარე თვითონაა დასაჭერი. მეტსაც გეტყვით. მისი ვალდებულება იყო, რომ ხმის მიცემის ფარულობა ყოფილიყო დაცული. მან ხმის მიცემის ფარულობა არ დაიცვა. მე მაინტერესებს — დაიჭერენ თუ არა ცესკოს თავმჯდომარეს. გიორგი კალანდარიშვილი ადამიანებს რომ ატყუებდა ამდენი ხანი, თურმე ხმის მიცემის ფარულობა ყოფილა დაცული და რომ აღმოჩნდა, რომ 26 ოქტომბერს, რასაც ხალხი აფერადებდა, უკანა მხრიდან მარკერი ეტყობოდა, ხალხი რა არჩევანს აკეთებდა, მაინტერესებს — ზურაბიშვილს რომ იბარებენ პროკურატურაში, დაიჭერენ თუ არა კალანდარიშვილს", — განაცხადა ნათია მეზვრიშვილმა ბრიფინგზე.