ამერიკელი სენატორი, ჯინ შაჰინი აშშ-ის სახელმწიფო დეპარტამენტს მოუწოდებს, გამოიძიოს ცნობები, საქართველოში ჩატარებულ საპარლამენტო არჩევნებში დაფიქსირებული დარღვევების შესახებ.

"ჩვენ, ჩვენს ევროპელ მეგობრებთან ერთად, მოვუწოდებთ აშშ-ის სახელმწიფო დეპარტამენტს, დაუყოვნებლივ გამოიძიოს თაღლითობისა და ნებისმიერი გარე ჩარევის შესახებ ცნობები, რათა დადგინდეს, იქონია თუ არა რაიმე სერიოზულად გავლენა არჩევნების შედეგზე. პასუხისმგებელი პირები უნდა მიეცნენ პასუხისგებაში", — განაცხადა შაჰინმა.