ჯგუფი "დაიტოვე", რომელიც აპრილში, რუსული კანონის საპროტესტო აქციების დროს მოქალაქეებმა ერთმანეთის დასახმარებლად შექმნეს, ამომრჩეველთა მობილიზაციას ეხმარება.

ბოლო თვეებში "დაიტოვეში" ბევრი გულისამაჩუყებელი მომენტის მომსწრეები გავხდით — მას შემდეგ, რაც ცესკომ ემიგრანტებისთვის მსოფლიოს მასშტაბით მხოლოდ 60 საარჩევნო უბანი გახსნა, სხვადასხვა ქვეყანაში მცხოვრები ჯგუფის წევრები ერთმანეთს უახლოეს უბანზე ტრანსპორტირებასა და დასარჩენის პოვნაში ეხმარებოდნენ.

ახლა კი, მაშინ, როცა ჩვენი ქვეყნისთვის გადამწყვეტი არჩევნები კარსაა მომდგარი, საქართველოს მოქალაქეები იმ პუნქტებისკენ დაიძრნენ, სადაც ხმის მიცემა უწევთ, თუმცა, აქაც მნიშვნელოვან დაბრკოლებას შევეჩეხეთ — ხალხის რაოდენობას ტრანსპორტი ვერ აუდის და ძალიან ბევრი ადამიანი დარჩა სამარშრუტო ტაქსებისა გარეშე.

თუმცა, ძალა ერთობაშია — ამ ჭეშმარიტების შესახებ ქართველმა ხალხმა კარგად იცის. "დაიტოვეში" ადამიანები ელვის სისწრაფით გაერთიანდნენ და ერთმანეთისთვის უანგარო დახმარების შეთავაზება დაიწყეს. "მანქანა თუ გჭირდებათ, გათხოვებთ", "საწვავის ფულს ჩაგირიცხავთ", "დასავლეთისკენ წაგიყოლებთ"... გუშინ და დღეს მსგავსი შინაარსის უამრავი პოსტი ვიხილეთ.

გთავაზობთ რამდენიმე მათგანს. გახსოვდეთ, რომ თქვენი ხმა ძალიან მნიშვნელოვანია. ვერავინ გაიგებს, ვის მიეცით ხმა — დაიცავით საქართველოს ევროპული მომავალი!

თუ თქვენს საარჩევნო უბანში მისვლას ტრანსპორტის პრობლემის გამო ვერ ახერხებთ, "დაიტოვეში" დაგეხმარებიან — დაიცავი შენი მომავალი, მოდი არჩევნებზე!