აჭარის უმაღლესი საბჭოს წევრმა ოცნებიდან, დავით ბაციკაძემ ბათუმელების ჟურნალისტს, კითხვაზე — უნდა მოვუხადოთ თუ არა ბოდიში ოსებს, სეპარატისტი და ქვეყნის მტერი უწოდა.

დავით ბაციკაძის თქმით, "აფხაზებსაც უნდა მოვუხადოთ ბოდიში და ოსებს, იმას, ვისაც იარაღი არ ეკავა ხელში და შერიგება სხვანაირად არ მოხდება".

მას შემდეგ, რაც იგივე თემაზე ჟურნალისტი ხელმეორედ ჩაეკითხა, აჭარის უმაღლესი საბჭოს წევრმა კითხვის ავტორს სეპარატისტი და ქვეყნის მტერი უწოდა.

შეგახსენებთ, რომ ქართული ოცნების საპატიო თავმჯდომარე ბიძინა ივანიშვილმა, გორში, სიტყვით გამოსვლისას თქვა, რომ აუცილებლად უნდა გამოვძებნოთ საკუთარ თავში ძალა, რომ ბოდიში მოვუხადოთ ოს დებს და ძმებს.

"ჩვენ აუცილებლად გამოვძებნით საკუთარ თავში ძალას, რათა ბოდიში მოვიხადოთ იმის გამო, რომ დავალების შესაბამისად, მოღალატე ნაციონალურმა მოძრაობამ 2008 წელს ცეცხლის ალში გახვია ჩვენი ოსი დები და ძმები", — განაცხადა ქართული ოცნების საპატიო თავმჯდომარემ, ბიძინა ივანიშვილმა გორში სიტყვით გამოსვლისას.