ახლო აღმოსავლეთში მძვინვარე ცეცხლი სწრაფად იქცევა ჯოჯოხეთად, — ამის შესახებ გაეროს გენერალურმა მდივანმა, ანტონიო გუტერეშმა გაეროს უშიშროების საბჭოს სხდომაზე განაცხადა.

გუტერეშმა ლიბანში ჰეზბოლას წინააღმდეგ ისრაელის ავიადარტყმები “დაუნდობლად” შეაფასა და განაცხადა, რომ ცეცხლის დროებით შეწყვეტის წინადადება არსებობდა, რომელიც, ისრაელმა უარყო.

შეგახსენებთ, 2 ოქტომბერს ისრაელის საგარეო საქმეთა მინისტრმა, ისრაელ კაცმა გუტერეში პერსონა ნონ გრატად გამოაცხადა, რაც მას ისრაელში შესვლის უფლებას ართმევს.
მინისტრმა გუტერეში მიკერძოებულობაში დაადანაშაულა. მისი თქმით, გაეროს გენერალურმა მდივანმა ირანის თავდასხმა ისრაელზე არც კი დაგმო.

"ნებისმიერი ადამიანი, ვინც არ დაგმობს ირანის საზარელ თავდასხმას ისრაელზე, არ იმსახურებს, რომ ისრაელის მიწაზე ფეხი დადგას. ეს ისრაელის მოძულე გენერალური მდივანია, რომელიც ტერორისტებს ეხმარება", — განაცხადა ისრაელ კაცმა