საქართველოს ეროვნული ბანკის ინფორმაციით, საქართველოში შეხვედრა შედგა ეროვნული ბანკის პრეზიდენტის მოვალეობის შემსრულებელ ნათია თურნავასა და ჩინეთის სახალხო რესპუბლიკის ელჩს, ჭოუ ციენს შორის.

განცხადებაში წერია, რომ მხარეებმა ისაუბრეს საქართველოს ეროვნულ ბანკსა და ჩინეთს შორის არსებულ მჭიდრო თანამშრომლობაზე.

ასევე, საუბარი შეეხო ქვეყნებს შორის გადახდების სისტემებისა და ფინანსური სერვისების განვითარების კუთხით სამომავლო თანამშრომლობის გააქტიურებაზე.

“აღინიშნა, რომ საქართველოს ეროვნული ბანკი მუდმივად ისწრაფვის პროცესების გაუმჯობესებისკენ და ოპერაციების დივერსიფიკაციისკენ, რა მიზნითაც აქტიურად თანამშრომლობს სხვადასხვა ქვეყნის ცენტრალურ ბანკებთან.

როგორც შეხვედრის დასრულების შემდეგ ნათია თურნავამ აღნიშნა, თანამშრომლობის გაღრმავების, ორივე ქვეყნისთვის აქტუალური საკითხების განხილვისა და პროცესების დაჩქარების მიზნით, ეროვნული ბანკის წარმომადგენლები მომავალში ჩინეთის ცენტრალური ბანკის წარმომადგენლებთან გამართავენ შეხვედრებს” — წერია სებ-ის ინფორმაციაში.