ვლადიმერ პუტინმა, 9 აგვისტოს, კურსკის რეგიონში საგანგებო მდგომარეობა "ფედერალურ დონეზე" გამოაცხადა. ოთხი დღის წინ, უკრაინის შეარაღებული ძალები რუსეთის ტერიტორიაზე შეიჭრნენ და დაახლოებით 600 კვადრატულ კილომეტზე კონტროლი დაამყარეს.

რუსეთის პრეზიდენტმა ფაქტს "კიევის მასშტაბური პროვოკაცია" უწოდა და ორი დღის შემდეგ ოლქის მოსახლეობას, რომელთაც სამხედრო მოქმედებების გამო სახლების დატოვება მოუწიათ, 10 ათასი რუბლის გადაცემას დაჰპირდა, რაც დაახლოებით 310 ლარია.

უკრაინის ოფიციალური უწყებები რამდენიმე დღის განმავლობაში დუმდნენ, თუმცა 8 აგვისტოს უკრაინის პრეზიდენტის ოფისის მრჩეველმა — მიხაილო პოდოლიაკმა განცხადება გაავრცელა, სადაც წერს რომ: "რუსეთი მუდამ მოიმკის იმას, რაც დათესა"

დღეს, 9 აგვისტოს, ვოლოდიმირ ზელენსკიც გამოეხმაურა მიმდინარე სამხედრო მოქმედებებს და თქვა, რომ რუსეთმა უნდა იგრძნოს თუ რა გააკეთა უკრაინის მიწაზე.

"უკრაინელებმა უკვე იციან, როგორ მიაღწიონ მიზნებს. მიზნების მიღწევა ომში ჩვენი არჩევანი არ ყოფილა." — დაწერა, უკრაინის პრეზიდენტმა

საერთაშორისო მედიაში, ასევე რუსულ ტელეგრამ-არხებში გავრცელებული ცნობებით, კურსკის ოლქის გასამაგრებლად, პუტინს, რეზერვები ბელგოროდიდან და დონეცკიდან გადაჰყავს. ადგილობრივი მოსახლეობა, ვიდეომიმართვებში, რუსეთის ფედერაციის პრეზიდენტს ევაკუაციის პროცესში დახმარებას სთხოვს.

რუსეთის ტერიტორიაზე საბრძოლო მოქმედებები ამ დრომდე გრძელდება.