რა ხდება: 2024 წლის 3 მარტის საღამოსთვის ალექსეი ნავალნის საფლავზე იმდენი ყვავილი მიიტანეს, რომ სამარხზე დაყენებული 1,7 მეტრის ხის ჯვარი მთლიანად დაიფარა.

ფოტო: t.me/molokonew

  • დღეს, 4 მარტს, კრემლის პრესსპიკერს, დმიტრი პესკოვს ჰკითხეს, აღიქვამს თუ არა კრემლი გარდაცვლილი ოპოზიციონერის მხარდაჭერად რიგებს ნავალნის სასაფლაომდე, რომელიც კილომეტრებს შეადგენდა, რაზეც პესკოვმა განაცხადა, რომ აქამდე ამ თემაზე ცოტა რამ თქვეს და მეტს აღარაფერს იტყვიან.
  • მანამდე პუტინის პრესსპიკერმა ჟურნალისტებს უთხრა, რომ "კრემლს ნავალნის ახლობლებისთვის, მისი დაკრძალვის დღეს არაფერი აქვს სათქმელი" და განაცხადა, რომ პუტინის ადმინისტრაცია "ვერ შეაფასებს ნავალნის, როგორც პოლიტიკურ ფიგურას".

რამდენი ადამიანი იმყოფებოდა ოპოზიციონერის დაკრძალვაზე: ეს დაითვალა პროექტმა თეთრი მთვლელი.

  • მათი გამოთვლით ალექსეი ნავალნის გამოსამშვიდობებელ ცერემონიას მინიმუმ, 16.5 ათასი ადამიანი დაესწრო.
  • კალკულაცია ეფუძნება იმ ადამიანების რაოდენობას, რომლებმაც ბრატეევსკაიას ხიდი 15:06 საათიდან — 16:30 საათამდე გადაკვეთეს ნავალნის ცხედრის ეკლესიიდან გამოსვენების შემდეგ.

ფოტო: თეთრი მთვლელი

რა ხდებოდა დაკრძალვაზე: ეკლესიაში ნავალნისთვის პატივის მისაგებად მოქალაქეები რიგში იდგნენ.

  • როგორც მედუზა წერს, რიგი, დაახლოებით, 700 მეტრი სიგრძის იყო.
  • დაკრძალვის ცერემონიალზე იმყოფებოდნენ აშშ-ის, გერმანიის, საფრანგეთის ელჩები, ასევე სხვა ქვეყნების წარმომადგენლები.
  • ნოვაია გაზეტას კორესპონდენტის ინფორმაციით, ეკლესიაში 300-მდე ადამიანი შეუშვეს, რიტუალი კი "შეძლებისდაგვარად სწრაფად დაასრულეს".