Meta Inc. (META) 2004 წელს დაარსებული მულტინაციონალური ტექნოლოგიური კომპანიაა, რომელიც ფლობს Facebook-ს. ის მარკ ცუკერბერგმა ჰარვარდის კოლეჯის რამდენიმე სტუდენტთან ერთად დააარსა. კომპანიის სახელწოდება თავდაპირველად FaceMash იყო, რომელიც TheFacebook-ით შეიცვალა. საბოლოოდ კი, 2021 წელს კომპანიას Meta დაერქვა.

როგორც ცნობილია, ეს სოციალური ქსელი ჯერ ჰარვარდში, შემდეგ სხვა უნივერსიტეტებში, საბოლოოდ კი მსოფლიოს მასშტაბით გავრცელდა. ამჟამად მისი მომხმარებელთა რიცხვი 300 მილიარდს აღწევს. რაც შეეხება Meta-ს საბაზრო კაპიტალიზაციას, ის 1.2 ტრილიონი დოლარია. კომპანია ფასიანი ქაღალდებით 2012 წლიდან ვაჭრობს და ამჟამად მისი ერთი აქციის ღირებულება 482.61 დოლარია.

ამ სტატიაში იმ კომპანიების შესახებ გიყვებით, რომლებიც Meta-მ სხვადასხვა დროს შეისყიდა.

1. Instagram

Instagram მსოფლიოში ერთ-ერთი ყველაზე პოპულარული სოციალური ქსელია, რომელიც 2010 წელს გაეშვა. ამ აპლიკაციის საშუალებით მომხმარებელს ფოტოებისა და ვიდეოების გაზიარების საშუალება აქვს.

როგორც ცნობილია ეს კომპანია Meta-მ 2012 წელს 1 მილიარდ დოლარად შეიძინა. იმ მომენტისთვის Instagram არაერთი კომპანიისა და ინვესტორის ყურადღების ცენტრში იყო.

ზოგიერთი შეფასებით, ამჟამად ინსტაგრამი უფრო მეტ შემოსავალს გამოიმუშავებს, ვიდრე მისი დედა კომპანია. თუმცა, ეს ასე არ იყო 2012 წელს, როდესაც Instagram ახალგაზრდა კომპანიად ითვლებოდა. აღსანიშნავია, რომ ეს პლატფორმა ბევრი ადამიანისთვის შემოსავლის წყაროცაა.

2. WhatsApp

WhatsApp მოკლეტექსტური შეტყობინებების გაგზავნისა და დარეკვის სერვისია, რომელიც მომხმარებლებისთვის მთელ მსოფლიოშია ხელმისაწვდომი. პლატფორმა 2009 წელს ამოქმედდა და წარმოადგენდა ტექსტური შეტყობინებების სტანდარტული სერვისების იაფ ალტერნატივას. ამ აპლიკაციის საშუალებით მომხმარებლებს ასევე შეუძლიათ ფოტოების, ვიდეოების და დოკუმენტების გაზიარებაც.

Meta-მ WhatsApp იყიდა იმ დროს, როდესაც პატარა კომპანიას 400 მილიონზე მეტი აქტიური ყოველთვიური მომხმარებელი ჰყავდა. ეს WhatsApp-ს Facebook-ის პლატფორმის სწრაფად მზარდ პოტენციურ კონკურენტად აქცევდა. იმ დროისთვის WhatsApp-ი 1,5 მილიარდ დოლარად იყო შეფასებული.

3. Oculus VR

WhatsApp-ის შეძენიდან რამდენიმე კვირის შემდეგ Meta-მ ვირტუალური რეალობის ტექნიკისა და პროგრამული უზრუნველყოფის კომპანიის Oculus VR-ის შეძენის შესახებ განაცხადა. ეს კომპანია 2012 წელს დაარსდა და ცნობილია Oculus Rift-ით, ვირტუალური რეალობის ყურსასმენით, რომელიც ვიდეო თამაშებისთვის არის შექმნილი. Meta-სა და Oculus-ის გარიგების შემდეგ, თავად შვილობილმა კომპანიამ რამდენიმე შესყიდვა განახორციელა. მათ შორის იყო Surreal Vision-ის შეძენა, რომელიც 3D რუკების რეკონსტრუირებაშია სპეციალიზებული.

4. Onavo

ეს კომპანია 2010 წელს ისრაელში დაარსდა. ის მობილურ აპლიკაციებზე ვებ-ანალიტიკის გაკეთებით არის დაკავებული. Meta-მ კომპანია 2013 წლის ოქტომბერში შეიძინა. გარიგების ზუსტი თანხა უცნობია, თუმცა ზოგიერთი ანალიტიკოსის შეფასებით, კომპანიამ Onavo-ში 100-დან 200 მილიონ დოლარამდე გადაიხადა. ეს Meta-სთვის უმსხვილესი შენაძენია, რამაც მას საშუალება მისცა სხვა კომპანიებისა და აპლიკაციების შეძენის შესახებ გადაწყვეტილებები მიეღო.

5. Beluga

Beluga საკომუნიკაციო აპლიკაციაა, რომელიც 2010 წელს დაარსდა. ერთი წლის შემდეგ კი Meta-მ ეს კომპანია შეიძინა — გარიგების ზუსტი თანხა ამ შემთხვევაშიც უცნობია. Beluga-ს შესყიდვისას Facebook-მა შეიძინა ტექნოლოგია, რომელიც საბოლოოდ მის ერთ-ერთ ყველაზე წარმატებულ პროდუქტად, მესენჯერის პლატფორმად გადაიქცა.

Meta-ს ფასიანი ქაღალდები, როგორც საინვესტიციო პროდუქტი, ქართველი ინვესტორების ყურადღებას ყოველთვის იმსახურებს — ის იმ ტოპ-10 აქციაში შედის, რომელსაც საქართველოს ბანკის მობილბანკის საშუალებით ყიდულობენ. მობილბანკით შესაძლებელია როგორც სრული აქციის, ისე მისი ნაწილის შეძენა

საქართველოს ბანკის მობილბანკში 6000-მდე ცნობილი კომპანიის აქციის შეძენა არის შესაძლებელი. შენც შეგიძლია დაიწყო ინვესტირება ნებისმიერი თანხით და გახდე ისეთი ცნობილი კომპანიების აქციონერი, როგორებიცაა: Apple, Amazon, Microsoft, Tesla, Google და სხვა.

*ეს არ არის ფინანსური რჩევა