მოკლედ: ალექსეი ნავალნის პრესმდივანი კირა იარმიში X-ზე წერს, რომ ნავალნის დედა და ადვოკატი ცხედრის სანახავად სალეხარდის მორგში მივიდნენ, სადაც ცხედარი არ დახვდათ.

დეტალები: "სალეხარდის მორგში ალექსეის ადვოკატი და დედა მივიდნენ. ის დახურულია, მიუხედავად კოლონიის ინფორმაციისა, რომ მუშაობს და ნავალნის ცხედარი იქ არის. კარზე მითითებულ ტელეფონის ნომერზე დარეკა ადვოკატმა. მას უთხრეს, რომ ის მეშვიდე იყო, ვინც დღეს დარეკა. მორგში ალექსეის ცხედარი არ არის", — წერს კირა იარმიში.

მისი თქმით, ინფორმაცია, რომ ნავალნის ცხედარი სალეხარდში გადაასვენეს, კოლონიის თანამშრომლისგან გაიგეს. ასევე, თანამშრომლებმა უთხრეს, რომ "გამოძიებას" ატარებდნენ.

  • "ვითხოვთ, ალექსენი ნავალნის სხეული დაუყოვნებლივ გადაეცეს მის ოჯახს”, – წერს იარმიში.

ბოლო ხაზი: რუსი ოპოზიციონერი პოლიტიკოსის, ალექსეი ნავალნი გარდაცვალების შესახებ ინფორმაცია გუშინ, 16 თებერვალს, რუსეთის სასჯელაღსრულების სამსახურმა გაავრცელა.

  • კრემლის პროპაგანდისტული არხი რაშა თუდეი (RT) წერს, რომ ნავალნის თრომბი განუვითარდა.