მოკლედ: საქართველოს პრეზიდენტი სალომე ზურაბიშვილი და უკრაინის პრეზიდენტი ვოლოდიმირ ზელენსკი მიუნხენში, უსაფრთხოების კონფერენციაზე შეხვდნენ.

  • შეხვედრის ამსახველი ფოტო ზურაბიშვილმა ფეისბუქზე გამოაქვეყნა.

დეტალები: სალომე ზურაბიშვილი მიუნხენის კონფერენციაზე 15 თებერვალს გაემგზავრა.

  • პრეზიდენტის ადმინისტრაციამ 13 თებერვალს მედიასთან დაადასტურა, რომ ზურაბიშვილი მიუნხენის უსაფრთხოების კონფერენციაზე მიიწვიეს და შესაბამისად, მონაწილეობას მიიღებდა.

  • პრეზიდენტს მიუნხენის კონფერენციაში მონაწილეობის მისაღებად მთავრობისთვის თანხმობის მისაღებად არ მიუმართავს.

  • მიუნხენის უსაფრთხოების კონფერენცია 16 თებერვალს დაიწყო და 18 თებერვალს დასრულდება.

  • კონფერენციაში მონაწილეობას არ იღებს პრემიერ-მინისტრი ირაკლი კობახიძე,

  • საქართველოს მთავრობიდან კონფერენციას საგარეო საქმეთა მინისტრი, ილია დარჩიაშვილი ესწრება.

მსგავსი: ღარიბაშვილმა ზურაბიშვილის მიუნხენში ვიზიტს "ღალატი" და "სირცხვილი" უწოდა