მოკლედ: გასულ ღამეს, ნისლისა და დაბალი ხილვადობის გამო, თბილისის საერთაშორისო აეროპორტში, გაუქმდა სამი და გადაიდო ორი ავიარეისი.

  • ამის შესახებ პირველ არხს თბილისისა და ბათუმის საერთაშორისო აეროპორტების მმართველ კომპანია ტავ ჯორჯიაში განუცხადეს.

დეტალები: "გაუქმდა თურქეთის ავიახაზების სტამბოლი-თბილისი-სტამბოლი ორი რეისი, პეგასუსის სტამბოლი-თბილისის რეისი. გადაიდო პეგასუსის ანტალია-თბილისის რეისი და აზერბაიჯანის ავიახაზების ბაქო-თბილისის რეისი", — განაცხადეს ტავ ჯორჯიაში.

  • მათი თქმით, ამჟამად ხილვადობა გაუმჯობესებულია და რეისების მიღება ჩვეულ რეჟიმში ხორციელდება.