მოკლედ: საპარლამენტო უმრავლესობის წევრის ბექა დავითულიანის თქმით, პრეზიდენტი შეკრებს რადიკალურ ოპოზიციას, გახდება მათი შტაბის არაფორმალური უფროსი და პრეზიდენტის ინსტიტუტს არჩევნების დისკრედიტაციისთვის გამოიყენებს. "პრეზიდენტის მხრიდან ეს ერთადერთი მოლოდინი გვაქვს", — თქვა დავითულიანმა.

დეტალები: დავითულიანის თქმით, სალომე ზურაბიშვილი "მორიგ ჯერზე დაარღვევს კონსტიტუციას, რაც სიახლე არ არის, ეს ჩვენთვის სიახლე აღარ არის და აღარავის გვიკვირს", — განაცხადა ბექა დავითულიანმა.

კონტექსტი: საქართველოს პრეზიდენტი სალომე ზურაბიშვილი რამდენიმე დღეა ოპოზიციური პარტიის წარმომადგენლებს ხვდება, მათ შორის, ევროპული საქართველოს, მოქალაქეების, ერთიანი ნაციონალური მოძრაობის, გირჩი-მეტი თავისუფლების და დროას ლიდერებს..

  • 6 თებერვალ სალომე ზურაბიშვილი საქართველოს პარლამენტში წლიური ანგარიშით წარდგა, სადაც განაცხადა, რომ ჩამოაყალიბებდა პრეზიდენტის ადმინისტრაციასთან დაკავშირებულ საკოორდინაციო ცენტრს — "ერთობის პლატფორმა ევროპისთვის“.
  • "ამ მიზნით, მომავალ დღეებში, ვაპირებ მოვიწვიო პოლიტიკური სპექტრის წარმომადგენლები და სამოქალაქო საზოგადოების დაინტერესებული პირები. ეს მიდგომა ინკლუზიური უნდა იყოს და მზად ვარ შევხდე და მოვუსმინო ყველას.", — განაცხადა პრეზიდენტმა.