რა ხდება: ხვალიდან, კარანტინის გამო, ცხინვალის კიდევ სამი საბავშვო ბაღი დაიკეტება. ამის შესახებ ქალაქის ე.წ. ადმინისტრაციის განათლების სამსახურში განაცხადეს. "13 თებერვლიდან 19 თებერვლამდე, მე-6, მე-12 და მე-16 საბავშვო ბაღები იკეტება", — წერია მათ მიერ გავრცელებულ განცხადებაში.

დეტალები: საკარანტინე ზომების მიღება მოუხდათ მას შემდეგ, რაც რუსეთის მიერ ოკუპირებულ ცხინვალში გრიპის და მწვავე რესპირატორული ვირუსული ინფექციების შემთხვევების რაოდენობა გაიზარდა. ახლა კი აცხადებენ, რომ ვირუსის გავრცელებამ ეპიდემიური ზღვარი გადალახა.

  • 10 თებერვლიდან 17 თებერვლამდე კარანტინია გამოცხადებული ცხინვალის სამხატვრო ლიცეუმსა და მე-5 სკოლაში.
  • 8 თებერვლიდან 17 თებერვლის ჩათვლით კარანტინშია მე-16 საბავშვო ბაღისა და მეორე ბაგა-ბაღებში;
  • 9-დან 16 თებერვლამდე დაკეტილია მე-11 და 20-ე საბავშვო ბაღები.

ბოლო ხაზი: ვირუსის გავრცელების მასშტაბის გამო, ცხინვალში სასწავლო დაწესებულებების დახურვის თაობაზე გადაწყვეტილება 8 თებერვლიდან მიიღეს.