რა ხდება: უნგრეთის პრეზიდენტი გადადგა. მიზეზი მის მიერ ბავშვებზე სექსუალურ ძალადობაში ბრალდებულის თანამზრახველის შეწყალებაა. ამ გადაწყვეტილებას ქვეყანაში აღშფოთება მოჰყვა.

  • ბუდაპეშტში პრეზიდენტის გადადგომის მოთხოვნით აქცია გაიმართა.

დეტალები: ცნობილი იყო, რომ კატალინ ნოვაკმა 2023 წლის აპრილში, რომის პაპ ფრანცისკეს უნგრეთში ვიზიტის წინ, ათობით ადამიანი შეიწყალა.

  • თუმცა, სულ ახლახან გაირკვა, რომ ერთ-ერთი მათგანი იყო ბავშვთა სახლის დირექტორის მოადგილე, რომელიც თავის ხელმძღვანელს ხელს აფარებდა.
  • კაცი 2018 წელს დააკავეს. ის აიძულებდა მსხვერპლებს, უკან წაეღოთ ჩვენებები სექსუალური ძალადობის შესახებ, მოძალადე კი ბავშვთა სახლის დირექტორი იყო.
  • დირექტორს 8 წლამდე თავისუფლების აღკვეთა მიესაჯა, მას 2004-2016 წლებს შორის პერიოდში სულ მცირე 10 ბავშვზე ძალადობა ედება ბრალად.

46 წლის ნოვაკმა სატელევიზიო მიმართვაში გუშინ, 10 ნოემბერს განაცხადა, რომ თანამდებობას დატოვებდა.

  • "მე გავეცი შეწყალების ბრძანება, რამაც ბევრი ადამიანის აღშფოთება გამოიწვია. მე შეცდომა დავუშვი", — თქვა ნოვაკმა.

ის უნგრეთის ისტორიაში პირველი ქალი პრეზიდენტია. ნოვაკი, რომელიც ორბანის მთავარი მოკავშირეა, ტრადიციული ოჯახური ფასეულობებისა და ბავშვების დაცვის გულმხურვალე დამცველი იყო.