მოკლედ: 5-6 თებერვალს, უამინდობის და უხვი ნალექის გამო, გელათის სამონასტრო კომპლექსის ტაძარებში წყალი ჩავიდა. ამის შესახებ საყდრისის კომიტეტი იუწყება.

დეტალები: საყდრისის კომიტეტის მიხედვით, რესტავრატორები ამბობენ, რომ შედეგად, კედლის მხატვრობა არ დაზიანებულა: "ტაძრებში წყლის შეღწევის ყველა ლოკაციას შეისწავლიან და ანგარიშის სახით წარუდგენენ საზოგადოებას", — აცხადებს კომიტეტი.

  • მათი თქმით, გელათის ღვთისმშობლის შობის და წმინდა გიორგის ტაძრებს 2020 წლიდან დროებითი გადახურვა აქვს.

რა პრობლემები აქვს გელათს: 2023 წელს ჩუბინიშვილის კვლევითმა ცენტრმა, რომელიც კულტურის სამინისტროს დაქვემდებარებული ორგანიზაციაა, გელათის რესტავრაციის შესახებ კრიტიკული ანგარიში გამოაქვეყნა.

  • ანგარიშის მიხედვით, "ტაძრის დასავლეთი მკლავის მხატვრობის არასწორი კონსერვაცია" და "თვითნებური ტონირება-რესტავრაცია" სცილდება პროფესიულ ეთიკისა და საერთაშორისო სტანდარტების ნორმებს.
  • ასევე, 2020-2021 წლებში გამაგრებულ მონაკვეთებზე "მარილების დაშლა-კრისტალიზაციის პროცესი მიმდინარეა", ფრესკები აქერცლილია და ცვივა.
  • დასკვნა ამბობს, რომ მოხდა რესტავრატორების მიერ "ინტერპრეტირებული რეალობით ისტორიული რეალობის ჩანაცვლება" და ეს "მხატვრობის ფალსიფიკაციაა".

მსგავსი: წულუკიანი გელათზე პასუხისმგებლობას საპატრიარქოს აკისრებს, კრიტიკოსებს კი სამართლებრივი მუქარით პასუხობს