მოკლედ: 5 თებერვალს, 19:00-ზე პარლამენტის უკანა შესასვლელთან აქცია დაანონსდა. აქციის ორგანიზატორები აპირებენ დეპუტატებს მოუწოდონ, არ გამოუცხადონ ნდობა თეა წულუკიანს, რადგან, მათი თქმით, "ის არ უნდა იყოს კულტურის მინისტრი!"

დეტალები: აქციის ორგანიზატორების თქმით, არ შეიძლება კულტურის მინისტრი იყოს ადამიანი, რომელმაც

  • "სახელოვნებო და სამეცნიერო ინსტიტუტები მიზანმიმართულად ჩამოშალა;
  • კულტურული მემკვიდრეობას საფრთხე შეუქმნა;
  • გელათის უნიკალური მხატვრობა შელახა;
  • ქოროღოს კოშკი გაანადგურა;
  • სახელოვნებო და სამეცნიერო პროექტები შეაჩერა და ჩაშალა;
  • საბიუჯეტო სახსრები გაფლანგა;
  • სასამართლოში ოცამდე შრომითი დავა წააგო;
  • კინოცენტრი, მწერალთა სახლი, კონსერვატორია და სამეცნიერო ინსტიტუტები კი მიიტაცა".

კონტექსტი: საქართველოს პარლამენტში განახლებული მთავრობის დამტკიცება 8 თებერვალს იგეგმება.

  • მინისტრების კანდიდატების მოსმენა ორშაბათს, 5 თებერვალს დაიწყება და 7 თებერვალს დასრულდება.
  • საქართველოს პარლამენტის დღის წესრიგის მიხედვით, 5 იანვარს 15:00 საათზე პარლამენტში სიტყვით თეა წულუკიანიც გამოვა.

მსგავსი: განახლებული მთავრობის შემადგენლობას 8 თებერვალს დაამტკიცებენ

ბოლო ხაზი: 31 იანვარს მოძრაობამ ქართული კინო საფრთხეშია კულტურის სამინისტროსთან აქცია გამართა. ისინი აცხადებდნენ, რომ ამით ეხმიანებიან ეროვნული კინოცენტრის მიერ საბიუჯეტო თანხების არამიზნობრივ ხარჯვას.

  • კინოცენტრის მიმართ ბოიკოტში მყოფი კინემატოგრაფისტები პასუხს სთხოვდნენ კულტურის მინისტრს კინოცენტრის ჩამოშლისა და მთლიანად კულტურის სექტორის დაზიანების გამო. მათ თეა წულუკიანს 10 შეკითხვით მიმართეს.