მოკლედ: პრორუსული, ძალადობრივი მოძრაობა ალტ-ინფო აცხადებს, რომ ბანკებმა მათი ანგარიშები დახურეს.

  • საუბარია ბანკ ქართუსა და საქართველოს ბანკზე.

დეტალები: ალტ-ინფომ ორშაბათს, 29 იანვარს თქვა, რომ აღსრულების ეროვნულმა ბიურომ მოსთხოვა ჯარიმის გადახდა 7 დღის განმავლობაში.

ფოტო: ალტ-ინფო

  • ჯარიმა, რომელიც ძალადობრივ ჯგუფს 2002 წელს დაუწესეს, 233 ათას ლარს შეადგენს.
  • მათივე ინფორმაციით, თანხას მხარდამჭერებისგან საბანკო ანგარიშების საშუალებით აგროვებენ.

ალტ-ინფოს წევრმა, შოთა მარტინენკომ თქვა, რომ მისი ბიძინა ივანიშვილის მიერ დაფუძნებულ ბანკ ქართუში დაუხურეს იმავე დღეს, როდესაც ჯგუფმა მოთხოვნა მიიღო იუსტიციის სამინისტროსგან ჯარიმის გადახდის შესახებ.

როგორც ალტ-ინფო სოციალურ ქსელებში წერს, დაიხურა მათი ანგარიში საქართველოს ბანკშიც და ამჟამად, შემოწირულებებს თიბისი ბანკის საშუალებით აგროვებენ.

  • "ეს არის იმ პროცესის აქტიურ ფაზაში გადასვლა, რაზეც ამდენი ხანი ვლაპარაკობდით. დასავლეთის პირდაპირი მოთხოვნა იყო, რომ მომხდარიყო ჩვენი განეიტრალება", — თქვა მარტინენკომ.
  • ის "უფრო რეპრესიულ" ნაბიჯებსაც მოელის და არ გამორიცხავს, რომ პარტიის ლიდერები დაიჭირონ.

რა უნდა გვახსოვდეს ალტ-ინფოს შესახებ:

  • ალტ-ინფო პრორუსული, ანტიდასავლური, ძალადობრივი დაჯგუფებაა.
  • გამუდმებით ავრცელებენ ანტიდასავლურ გზავნილებს, ასევე, პრორუსულ ნარატივებს, რომლებიც ხშირად კრემლის სტრატეგიულ გზავნილებთან თანხვედრაშია.
  • სწორედ ამ ჯგუფებმა დააორგანიზეს ძალადობა, დაარბიეს აქტივისტების ოფისები, იძალადეს 50-ზე მეტ ჟურნალისტზე — 5 ივლისს ნაცემი ოპერატორი ლექსო ლაშქარავა გარდაიცვალა.
  • TI-ს ანგარიშით, 2022 წლის ბოლო სამ თვეში ყველაზე მეტი თანხა, ქართული ოცნების შემდეგ, პრორუსულ ალტ-ინფოს შესწირეს.
  • მათი ძალადობრივი იდეები ვრცელდება მათივე ტელევიზიითა და სხვა პროპაგანდისტული არხებით სოციალურ ქსელებში.