რა ხდება: ტაივანის საპრეზიდენტო არჩევნების წინასწარი შედეგებით, უილიამ ლაი იმარჯვებს.

  • ის არის საპრეზიდენტო კანდიდატი დემოკრატიული პროგრესული პარტიიდან (DPP), რომელიც მმართველი პარტიაა ტაივანში.
  • ადგილობრივი მედიის მიხედვით, უილიამ ლაი გახდა პირველი საპრეზიდენტო კანდიდატი, რომელმაც მიიღო ხუთი მილიონი ხმა.
  • ტაივანის ცენტრალური საარჩევნო კომისიის თანახმად, ქვეყნის მასშტაბით საარჩევნო უბნების 90%-ზე მეტი ბიულეტენია დათვლილი.

წინასწარი შედეგების გავრცელების შემდეგ, უილიამ ლაიმ კომენტარი გააკეთა: "მინდა, მადლობა გადავუხადო ტაივანელ ხალხს, რომ ჩვენი ქვეყნის დემოკრატიის ახალი თავი დაწერეს", — თქვა მან.

  • დამარცხება აღიარა ვენ-ჯემ, პრეზიდენტობის კანდიდატმა ტაივანის სახალხო პარტიიდან (TPP),
  • ასევე, ჰოუ იუ-იჰიამ, რომელიც ამ საპრეზიდენტო არჩევნებზე მიიჩნეოდა უილიამ ლაის ყველაზე მნიშვნელოვან მეტოქედ.

რატომ არის მნიშვნელოვანი: პროცესს ყურადღებით აკვირდებიან ჩინეთის კომუნისტი ლიდერები, რომლებიც დიდი ხანია, ტაივანს საკუთარი ტერიტორიის ნაწილად აცხადებენ.

  • ჩინეთი ღიად ეწინააღმდეგება ტაივანის ამჟამინდელ მმართველ პარტიას და აცხადებს, რომ ეს არის არჩევნები "ომსა და მშვიდობას, კეთილდღეობასა და უკუსვლას შორის".
    ჩინეთის პრეზიდენტმა სი ძინ-პინმა საახალწლო მიმართვაში განაცხადა, რომ "სამშობლოს გაერთიანება ისტორიული და გარდაუვალია".
  • ტაივანის საკითხი რჩება დაძაბულობის მნიშვნელოვან წყაროდ ჩინეთსა და შეერთებულ შტატებს შორის. აშშ ტაივანის მთავარ საერთაშორისო მხარდამჭერი და იარაღის მიმწოდებელია. მისი ურთიერთობები ჩინეთთან, წლების განმავლობაში, გართულებულია.

ბოლო ხაზი: ის, თუ როგორი იქნება ჩინეთის რეაქცია ტაივანელი ამომრჩევლის მიერ მიღებულ გადაწყვეტილებაზე, იქნება ერთგვარი ტესტი, შეძლებენ თუ არა პეკინი და ვაშინგტონი დაძაბულობის მართვას, ან — არის თუ არა მოსალოდნელი მათ შორის შემდგომი დაპირისპირება და კონფლიქტიც კი.

გაიგე მეტი: არჩევნები, რომელმაც, შესაძლოა, მსოფლიო შეცვალოს