მოკლედ: კაცს, რომელმაც თბილისში ცოლი ცივი იარაღით მოკლა, ბრალი გადაუკვალიფიცირდა.

დეტალები: პროკურატურამ მას ბრალი ოჯახის წევრის მიმართ განზრახ მკვლელობის ბრალდებით წარუდგინა. ეს მუხლი სასჯელის სახედ და ზომად 16-დან 20 წლამდე, ან უვადო თავისუფლების აღკვეთას ითვალისწინებს.

  • On.ge-ს გუშინ შსს-ში განუცხადეს, რომ საქმე იყო აღძრული 19/109-ე მუხლით, რაც ოჯახის წევრის განზრახ მკვლელობის მცდელობას გულისხმობს, რადგან ქალი, კლინიკაში გადაყვანის დროს ჯერ კიდევ ცოცხალი იყო.

ბოლო ხაზი: მკვლელობა გუშინ ვარკეთილის დასახლებაში მოხდა. ბრალდებულმა ცოლს მრავლობითი ჭრილობები მიაყენა.

  • დაზარალებული მიღებული დაზიანებების შედეგად საავადმყოფოში გარდაიცვალა.
  • ბრალდებულმა დანით გულმკერდის არეში ჭრილობები თავადაც მიიყენა, იგი ამჟამად მოთავსებულია საავადმყოფოში და გადის შესაბამის მკურნალობას.

მსგავსი: თბილისში კაცმა ცოლი მოკლა