დეტალები: საქართველოს საპატრიარქო ილია II-ის საშობაო ეპისტოლეს აქვეყნებს. ეპისტოლეში პატრიარქი ხელოვნურ ინტელექტზეც საუბრობს.

  • ის ამბობს, რომ რომ ხელოვნური ინტელექტი კოლექტიური ცოდნაა, კაცობრიობის მიერ დაგროვებული ცოდნის ჯამია.
  • "ჩვენს ცხოვრებაში უკვე განსაკუთრებულ ადგილს იკავებს ხელოვნური ინტელექტიც, მას აქვს პოტენციალი, უდიდესი გარდატეხა შეიტანოს ჩვენს ცხოვრებაში და მთლიანად შეცვალოს ჩვენი ყოველდღიურობა", — აღნიშნავს ილია მეორე.
  • თუმცა, აღნიშნულია ისიც, რომ ადამიანის სულიერი განვითარების გარეშე, ხელოვნური ინტელექტის უარყოფითი შედეგებიც გასათვალისწინებელია.
  • "უფრო და უფრო მკვეთრად დგება კითხვა: შეძლებს ადამიანი, გააერთიანოს ქრისტიანული ცხოვრების წესი და თუნდაც ხელოვნური ინტელექტის შესაძლებლობები და ღვთის სადიდებლად მიმართოს იგი? თუ თავის თავში დაჯერებული, თავისივე ქმნილებით მოხიბლული და მასზე მიჯაჭვული ადამიანი ღმერთს კიდევ უფრო განეშორება?", — ვკითხულობთ ეპისტოლეში.
  • პატრიარქის განცხადებით, მნიშვნელოვანია ფსიქოლოგებისა და იმ სპეციალისტების შეხედულებების მოსმენა, რომლებსაც ხელოვნურ ინტელექტთან აქვთ შეხება.