მოკლედ: 6 დეკემბერს, პარტია ევროპული საქართველოს წევრმა, გიორგი კანდელაკმა სამების ტაძარში გადაღებული ვიდეო გამოაქვეყნა.

  • კადრებში ჩანს ხატი, რომლის ერთ-ერთი ფრაგმენტზე, სავარაუდოდ, იოსებ სტალინია გამოსახული.
  • სამებაში განთავსებული ხატი ძალიან ჰგავს რუსეთში შექმნილ ხატს, სახელწოდებით ნეტარი მატრონა აკურთხებს იოსებ სტალინს.

დეტალები: ამ ამბავს, ტაბულასთან საუბარში, გამოეხმაურა საპატრიარქოს საზოგადოებასთან ურთიერთობის სამსახურის ხელმძღვანელი, ანდრია ჯაღმაიძე.

  • მისი თქმით, ხაზგასასმელია ის, რომ ეს თემა წამოიწია შობის დღესასწაულის სკანდალით გადაფარვის მიზნით.
  • "ამ შემთხვევის შეფასებაზე ერთი დღის შემდეგ შეიძლებოდა გვემსჯელა. დღევანდელი დღე სპეციალურად არის შერჩეული და დაიმახსოვრეთ, ასეთი მცდელობები იქნება სხვა დღესასწაულებზეც", — ამბობს ჯაღმაიძე ტაბულასთან.

ხატი სავარაუდოდ, სტალინის გამოსახულებით სამების ტაძარში — რა ვიცით