მოკლედ: თბილისის მერიის მიხედვით, 31 დეკემბერს, პირველი რესპუბლიკის მოედანზე გალაკონცერტი გაიმართება, რომელშიც "ასობით არტისტი მიიღებს მონაწილეობას", მათ შორის:

  • ეროვნული სიმფონიური ორკესტრი ნიკოლოზ რაჭველის დირიჟორობით;
  • ევროვიზიის მონაწილე ბავშვები;
  • პროექტ VOICE-ის მონაწილეები;
  • ქართველი ესტრადის ვარსკვლავები;
  • მუსიკალური გუნდები და ანსამბლები;
  • მოცეკვავეები.

დეტალები: "ეს იქნება ორმოქმედებიანი თეატრალიზებული შოუ, მიუზიკლი, რომელიც საქართველოსა და ევროპის კულტურას და ტრადიციებს გააერთიანებს", — განაცხადა დედაქალის მერმა კახა კალაძემ მთავრობის სხდომაზე.

ბოლო ხაზი: ბოლო წლებში, კულტურის სფეროს ზოგი წარმომადგენელი აცხადებს, რომ ხელისუფლება პოლიტიკური გემოვნების მიხედვით იღებს გადაწყვეტილებას, ვინ მიიწვიოს საახალწლო კონცერტებსა თუ სხვა მუნიციპალურ ღონისძიებებზე. 24 დეკემბერს მომღერალმა ნინო ქათამაძემ სოციალურ ქსელში გაავრცელა ინფორმაცია, რომ ახალ წელს საქართველოს ვერცერთ ქალაქში ვერ გამართავს კონცერტს და "ამისთვის ყველგან და ყველასთან იბრძოლეს".