მოკლედ: თბილისის მერიამ საქართველოსთვის ევროკავშირის წევრობის კანდიდატი ქვეყნის სტატუსის მინიჭების აღსანიშნავად, თბილისის ანძა და მშვიდობის ხიდი ევროკავშირის დროშის ფერებში გაანათა.

თბილისის მერია: "ევროკომისიის მიერ მიღებული გადაწყვეტილებით, საქართველომ კიდევ ერთი მნიშვნელოვანი ნაბიჯი გადადგა - გახდეს ევროპული ოჯახის წევრი.

  • საქართველოსთვის კანდიდატის სტატუსის მინიჭების შესახებ დადებითი რეკომენდაცია ევროკომისიამ მიმდინარე წლის ნოემბერში გასცა, დღევანდელი გადაწყვეტილებით კი ქვეყანას აღნიშნული სტატუსი ოფიციალურად მიენიჭა", — წერია განცხადებაში.

ფოტო: თბილისის მერია

რა ხდება: დღეს, 14 დეკემბერს ევროკავშირმა საქართველოს კანდიდატი ქვეყნის სტატუსი მიანიჭა.

ამის შესახებ თავდაპირველად, ევროპული საბჭოს პრეზიდენტმა, შარლ მიშელმა პლატფორმა იქსზე დაწერა.

  • გადაწყვეტილება ევროკავშირის ქვეყნების პოლიტიკურმა ლიდერებმა ბრიუსელში მიმდინარე სამიტისას მიიღეს.
  • ბრიუსელის 14-15 დეკემბრის სამიტზე ევროკავშირის გაფართოების საკითხები განიხილება და 27 წევრი ქვეყნის პირველი პირი მონაწილეობს.

რა იქნება შემდეგ? — გაიგე მეტი